2011 жылдың 21-22 қараша күндері аралығында Әл-Фараби атындағы ҚазҰУ-да ҚР Білім және ғылым министрлігінің қолдауымен «Вебометрия – университеттерді рейтингіге енгізудің мүмкіншіліктері» атты халықаралық семинар өтуде. Аталмыш семинар Қазақстанда алғашқы рет ұйымдастырылып отыр. Оған Испания (Мадрид) Ғылыми зерттеулер жоғары кеңесі (CSIC) жанындағы халықаралық рейтингтік Webometrics Ranking of World Universities агенттігінің өкілдері, Қазақстандағы ЖОО басшылары мен қызметкерлері қатысуда. Рейтингтің басты мақсаттары - зертханалардағы жаңалықтардың ашықтығын қолдау, веб-қолданушыларды ғылыми жарияланымдармен қамтамасыз ету, зерттеу жұмыстарының нәтижелеріне қолжетімділік жағдай туғызу.

16 қараша күні Л.Н. Гумилев атындағы ЕҰУ-де Түркітану кафедрасының меңгерушісі, ф.ғ.д., профессор М.Жолдасбеков «Тәуелсіздік тағылымы» атты тақырыпта дәріс оқыды.ҚР Президенттік мәдениет орталығының директоры, белгілі түркітанушы ғалым, академик, ф.ғ.д., профессор М.Жолдасбеков оқу ордамызда өткен тарихи-танымдық дәрісінде алдымен ел тәуелсіздігі, Президенттің өнегелі істері жайлы өз өмірінен сыр шертетін көрген-білгендерімен бөлісті. Мағыналы кездесуге Л.Н. Гумилев атындағы ЕҰУ студенттері мен оқытушы-профессорлар құрамы, докторанттар, магистранттар қатысты.  

15 қараша күні «Жастар» сарайында КВН ойынының 50 жылдығына орай Республикалық арнайы жоба аясында КТК құрама командаларының фестивалі өтті. Аталмыш фестивальға еліміздің түкпір-түкпірінен жиналған құрама командалар барлығы 16 команда қатысты. Жүзден жүйрік, мыңнан тұлпар озып шыққан, университетіміздің намысын қорғаған әрі ұтқыр әзілдерімен ЕҰУ-дың «Нұр» КТК құрама командасы көрерменнің ерекше ықыласына бөленді.  

TARGET II жобасы туралы толық ақпарат алуға жүзден аса оқу ордамыздың студенттері, сондай-ақ, оқытушылары мен қызметкерлері жиналды. Еске сала кетейік, талапкерлердiң барлық дәрежелерi үшiн 22 шәкіртақы бөлінген болатын: бакалавриат – 6, магистратура – 5, докторантура – 4, пост-докторантура – 2, қызметкерлер – 5 шәкіртақы.