3 Ноября 2016
Қазіргі уақытта бірыңғай әлемдік білім беру кеңістігі қалыптасуда, бұл білім алушылардың сапалы білім алуына қол жеткізуін қамтамасыз ету және ұйымдармен – ҮИИДМБ серіктестерімен ынтымақтасу арқылы ХХІ ғасыр міндеттеріне сәйкес келетін бәсекеге қабілетті білім мен ғылым қызметкерлерін даярлауды көздейді.
Л.Н. Гумилев атындағы Еуразия ұлттық университеті Мемлекет басшысының жолдаулары мен сөйлеген сөздерінде, концептуалды және бағдарламалық құжаттарда көрсетілген басымдықтарға сәйкес анықталған, ҮИИДМБ-ның инновациялық секторы бойынша мамандарды даярлауды жүзеге асырып келеді.
2016 жылғы 27 қазан күні карьера және бизнес-әріптестігі бөлімінің мамандары ҮИИДМБ мамандықтары бойынша практика жетекшілерімен жиналыс өткізді.
Жиналыс мақсаты – кәсіптік практика бойынша нормативтік құжаттардағы өзгерістермен таныстыру және ҮИИМДБ мамандықтары бойынша («Құрылыс материалдарын, бұйымдар мен конструкцияларды өндіру»; «Ғарыштық техника мен технологиялар»; «Радиотехника, электроника және телекоммуникациялар»; «Биотехнология») магистранттардың өндірістік тәжірибелерін әдістемелік қамтамасыз ету
Бөлімнің бас маманы К. Маусымбаева қатысушыларды ҮИИДМБ мамандықтарының кәсіптік практика бағдарламасын әзірлеу процедурасымен таныстырды. Тапсырмалардың орындалу мерзіміне, екі жақтағы (университет-кәсіпорын) практика жетекшілерінің практиканы күнделікті бақылауды, білім алушылардың практика өту кезіндегі жауапкершілігі туралы атап өтті.
Университеттің практика жетекшісі У.К. Килибаева жеке тапсырмаларды орындау бойынша әдістемелік нұсқаулықтар тұрғысынан практика бағдарламасының әдістемелік компонентіне ерекше назар аударды, бейінді бағыттағы магистранттардың өндірістік практикасын бағалау критерийлеріне, магистранттарда кәсіби және тұлғалық қасиеттерді қалыптастыруға құзыреттілік тәсілдеме принциптерін жүзеге асыруға бағытталған өндірістік практика бағдарламасының құрылымы мен мазмұнына тоқталды.
Кездесу барысында магистранттардың өндірістік практикасын ұйымдастыру және өткізу мәселелері талқыланды.
