2016 жылдың 7 желтоқсанында Л.Н. Гумилев атындағы ЕҰУ экономика факультетінің «Менеджмент» кафедрасымен «Менеджер» түлектерін дайындау және жұмысқа орналастыру: міндеттері мен шешу жолдары» атты дөңгелек үстел өткізілді.

Дөңгелек үстелде «Менеджмент» және «Мемлекеттік және жергілікті басқару» мамандықтары бойынша түлектерді жұмысқа орналастыру мәселелері мен келешектері талқыланды.

Кафедра мен әр түрлі бизнес құрылымдары өкілдерінің бірлесіп жұмыс істеуінің нәтижесінде дөңгелек үстелде түлектердің жұмысқа дайындығы, мемлекеттік қызметке тестілеуден өту ережелері, қызметкерлерді жұмысқа қабылдау, бағалау туралы мәселелер қарастырылды. Студенттерге жеке бизнесті ашу және дамыту бойынша кеңес пен ұсыныстар берілді.

Студенттер жұмысқа орналасу мен әр түрлі сұрақтарды бизнес өкілдерімен бірге талқылады.

Дөңгелек үстелге Мүфтиғалиева «А1» ЖШС – нің жобалар бойынша үйлестірушісі Әлия Әдиетқызы, «Профессионал Group» ЖШС рекрутинг компаниясының кеңесшісі Маусымбаева Роза Махметқызы, ««Даму» кәсіпкерлікті дамыту Қоры» АҚ менеджері Тәуіпбаева Дана Асылбекқызы, мемлекеттік қызметкерлерді тестілеу және бағалау орталығының өкілі Кереев Азамат Ануашұлы, ««Астана-ЭКСПО-2017» ҰҚ» АҚ халықаралық департамент директорының орынбасары Бисеков Әлкен Төлеуұлы қатысты.