2017  жылдың 22 желтоқсан күні Астана қаласының № 27 мектебінде «Оқу орындарында кәсіби тәжірибе ұйымдастырудың өзекті мәселелелері және оларды шешу жолдары» атты әдістемелік конференция болып өтті. Іс-шараны филология ғылымдарының кандидаты Ж.А. Бейсембаева басқарған филология факультетінің шетел тілдері және тәжірибесі кафедрасы ұйымдастырды.

Конференция мақсаты 5В011900 – «Шет тілі: екі шет тілі» мамандығы студенттерінің және мектеп мұғалімдерінің, тәжірибе жетекшілерінің  ойлары бойынша қазақстан мектептеріндегі кәсіби тәжірибені ұйымдастыру  және өткізу процесінде туындайтын маңызды сұрақтар мен мәселелерді талдау болды.

Конференция модераторы - филология факуьтетінің деканы, филология ғылымдарының докторы, профессор Ш.Қ. Жарқынбекова өз сөзінде педагогикалық тәжірибені өткізу мен ұйымдастыру бойынша мектеп мұғалімі мен жоғары оқу орны оқытушысының шет тілін оқыту әдістемелері бойынша тәжірибе бөлісетін мектеп пен жоғары оқу орнын  біріктірген  осындай конференцияның өтуінің маңыздылығын атап өтті.

Қазіргі уақытта мектеп бітірушілеріне қойылатын талап жоғарылауда, шет тілдерін  білу, оның ішінде ағылшын тілін білу - қазіргі еңбек нарығының талабы болып табылады. № 27 мектеп-лицей директоры Мырзалиева Г.У.  қатысушыларға өз мекемесі туралы қысқаша ақпарат бере отырып, Еуразия ұлттық университетімен әрі қарай да тығыз байланыста болудан үміттенетінін және № 27 мектеп - лицейінде университеттің филиалы ашылу мүмкіндігі туралы айтты.

ЕҰУ-дің академиялық мәселелер жөніндегі департаментінің директоры Ш.Б. Палымбетов  болашақ педагогтың кәсіби дағдыларын қалыптастыруда жұмыс берушінің  рөлі мен болашақ мұғалімдерді дайындау бойынша білім бағдарламаларын құрастыруда мектептің қатысуының маңыздылын атап өтті.

Л.Н. Гумлев атындағы ЕҰУ -нің кәсіби тәжірибені ұйымдастыру жетекшісі У.К. Килибаева № 27 мектеп-лицейінің Мырзалиева Г.У басқарған әкімшілігіне алғысын айтып, филология факультетінің осындай іс-шараны үстіміздегі семестрде екінші рет өткізіп отырғанын тілге тиек етті.

Шет тілдерінің  болашақ мұғалімдерді  мен педагогтарын дайындауға жауап беретін  университет  пен  университет бітірушісін жұмысқа қабылдайтын мектептер арасындағы тығыз байланыс тек педагогикалық іс-тәжірибемен шектеліп қоймай, сондай-ақ бітіруші маманның кәсіби біліктіліктерін анықтайтын оқу бағдарламаларын құрастыруда да тығыз байланыста болу керек. Астана қаласының мектептері ЕҰУ бітірушілерінің жоғары дайындығын жоғары атап өтіп, кәсіби тәжірибе бойынша өтетін сеимнар, конференцияларға белсенді қатысуға дайын екендерін айтты.

Әдістемелік семинар жұмысында шетел тілдері теориясы мен тәжірибесі кафедрасының профессоры, п.ғ.к., Р.Ф. Жүсіпованың және магистр Д.Г. Жасарованың баяндамасы, шетел тілдері теориясы мен тәжірибесі кафедрасының шетелдік білім алушысы-2 ші курс магистранты Хосе Баеза Эстраданың баяндамасы, № 38  орта мектептіғ ағылшын тілі мұғалімі З.К.Туитинаның баяндамасы және  5В011900 – «Шет тілі: екі шет тілі» мамандығының 4  курс студенттері К.Баясилованың, Т.Қайырғалиеваның және Д.В. Сеитованың баяндамалары аса қызығушылық тудырды.

Баяндамаларда кәсіби тәжірибе туралы маңызды сұрақтар қарастрылды,көптілді жағдайдағы шет тілі мұғалімдеріне қойылатын жаңа  талаптар, оқушылардың көптілді мәдениеті, кәсіби тәжірибені оқудан тыс өту және тағы басқа маңызды мәселелер қарасытырылды.

Әдістемелік семинар қорытындысында Астана қаласының  № 3, № 5, № 22, № 27, № 31, № 37, № 38, № 72, №73  мектептерінің  директорлары мен мұғалімдеріне   Л,Н, Гумилев атындағы  ЕҰУ-нің филология факультетінің деканы Ш.К. Жаркынбекованың атынан алғыс хаттар тапсырылдыү

Келесі жылдары бірнеше мектепте осындай іс-шара өтіледі деп жоспарлануда.