2018 жылдың 23 ақпанында Л.Н. Гумилев атындағы Еуразия ұлттық университеті Академиялық мәселелер департаменті карьера және бизнес-әріптестігі бөлімінің қызметкерлері Назарбаев университетінде «KAZENERGY» Ассоциациясы мен «Шелл Қазақстан» компаниясы ұйымдастырған «Кәсіби мамандармен диалог: жұмысқа орналасудың құпиялары» атты шеберлік сыныбына қатысты.

Модератор ретінде «Шелл Қазақстан» компаниясының еңбек ресурстары бойынша менеджері А.Қазбаева және Директорлар кеңесінің мүшесі, «Airswift» компаниясының бас директоры, спикер Л. Катунина сөз сөйледі.

Аталған шеберлік сыныбы «Student Energy Challenge» зияткерлік конкурсы аясында жеңімпаздар үшін ұйымдастырылған. Оған Л.Н. Гумилев атындағы Еуразия ұлттық университетінің студенттері мен магистранттары қатысып, кәсіби мамандардан пайдалы кеңестер алды.

HR саласының мамандары сұхбатқа қалай дайындалу керектігін шынайы мысалмен көрсетіп, түйіндемені сауатты жазудың қыр-сырларымен бөлісті.

Шеберлік сыныбы соңында барлық қатысушыға ұйымдастырушылар тарапынан сертификат берілді.