12 Июня 2018
Физикалық және экономикалық география кафедрасының 1 курс «5В060900 - География» мамандығының Гг-11, Гг-12 (36 студент) академиялық топтарына арналған оқу-далалық практика 04.06.2018 - 10.06.18. күндер аралығында Зеренді ойын – сауықтыру кешенінде (Ақмола облысы, Зеренді ауылы) өтті. Тәжірибе жетекшілері: доцент Аралбекова М.А., аға оқытушы Тенькебаева Ж.Ф.
Оқу-далалық практика мақсаты: студенттердің теориялық курстан алған білімдерін практикада бекіту, жалпы физико - географиялық заңдылықтарды және жеке компоненттерді анықтаудағы әдіс-тәсілдермен танысу. Оқу-далалық практика жалпы жертану, топырақтану, геоботаника, топография геодезия негіздерімен сияқты пәндер теориясының практикамен ұштастыру.
Оқу-далалық практиканың негізгі міндеттері:
- теориялық білімді бекіту;
- географиялық құбылыстар мен үрдістерді бақылау дағдыларын бекіту;
- табиғи далалық зерттеулер әдістерін меңгеру;
- географиялық ойлау қабілетін арттыру;
- ғылыми шығармашылық пен зерттеу жұмыстары дағдыларын дамыту;
- далалық материалдарды камералық өңдеу дағдыларын жетілдіру;
- қарапайым геодезиялық құралдармен жұмыс істеуді үйрену (компас, буссоль, мектеп нивелири, рулетка);
- топырақ микромонолиттерін алу техникасын және далалық топырақ зерттеулерін меңгеру;
- орман зонасы топырағына далалық диагностика жасау дағдысын меңгеру;
- негізгі табиғат кешендері арасындағы өзара байланысты анықтауды және анализдеуді үйрену.
Жоспар бойынша практика мынандай кезеңдерден қамтыды:
1) 4.06. – Зеренді ойын – сауықтыру кешені келу (Ақмола облысы, Зеренді ауылы); практика мақсаты, жоспары, әдіс-тәсілімен таныстыру;
1) 05.06 – 06.06 - Көзбен түсіріс. Топография пәнінен алған теориялық білімдері мен дағдыларын бекіту. Практика барысында топографиялық практика 2 күн мерзімін қамтыды, онда студентер Зеренді оқу-сауықтыру кешені маңында көз мөлшерлік түсіріс жасалды. Студенттерді 6 бригадаға бөліп, планшет, компас, рулетка құрал-жабдықтармен қамтамасыз етілді. Студенттер азимуттарды компас, буссольдың көмегімен анықтап, нүктелер арасындағы арақашықтықты қадамның орташа қашықтығымен өлшеді.
1 сурет. Көзбен түсіріс, арақашықтықты 2 сурет. Көзбен түсіріс, жасалған жұмыс өлшеу.
2) 07.06. –Топырақ зерттеулері. Топырақтану практикасында Зеренді оқу-сауықтыру кешені маңынан әр горизонтальдан топырақ үлгілері алынып топырақ қимасы макеті жасалынды.
3 сурет. Топырақ зерттеулері. Топырақ қимасын қазу, зерттеулер жүргізу.
3) 08.06. – Метеорологиялық және микроклиматтық бақылаулар. Маршруттық экскурсия. Экскурсия Ульгумен шатқалы, Ульгумес ауылындағы 10 км арақашықтықта орналасқан. Ерекшелігі: каньон ұзындығы 6 км, биіктігі 400 м, Шағалалы өзені бастауындағы сарқырама. Мұндай экскурсияны өткізген - өлкетанушы, ҚР спорт және туризм салындағы еңбек сіңірген қайраткер Шаров В.
4) 09.06. – Гидрологиялық зерттеулер:
5) 10.06 - Геоботаникалық зерттеулер. Зеренді оқу-сауықтыру кешені маңында гербарийді жинау, безендіру әдіс-тәсілдерін меңгеріп гербарилер жиналды, жиналған өсімдіктерге морфологиялық сипаттама жасалынды.
Практиканың негізгі мақсатына сәйкес студенттер аймақтың табиғат компоненттері мен географиялық ерекшеліктеріне сипатама бере отырып, теориялық білімдерін, географиялық құбылыстар мен үрдістерді бақылау дағдыларын бекітті, табиғи далалық зерттеулер әдістерін меңгерді, географиялық ойлау қабілетін арттырды, далалық материалдарды камералық өңдеу дағдыларын жетілдірді, негізгі табиғат кешендері арасындағы өзара байланысты анықтауды және анализдеуді үйренді. Сонымен қатар, тәжірибенің мәдени – тәрбиелік маңызы зор. Студенттер уақытты үнемді әрі дұрыс пайдалануды, бос уақытты ұйымдастырып, кез келген тапсырма мен алға қойған мақсаттарын орындауды үйренді.
4 сурет. Практиканың жұмыс барысы. Консультация, камералық өңдеу жұмыстары.
