4 Октября 2018
Erasmus + «Жаңа әлеуметтік ортаға - ENINEDU 574060-EPP-1-2016-KZ-EPPKA2-CBHE-SP-ке - сәйкес жоғары білім беру мен корпоративтік секторларды біріктіруді жетілдіру» жобасы аясында Мансаптық және іскерлік серіктестіктер бөлімінің бастығы Алдашева Л. С. және Шетел тілдері теориясы мен тәжірибесі кафедрасының меңгерушісі Бейсембаева Ж.А. Венгрия Шопрон университетінде 2018 жылдың 01-14 қазан аралығында біліктілікті арттыру курстарынан өтеді.
Жобаның жалпы мақсаты - білім беру парадигмасын Болон процесінің талаптарына сәйкес өзгерту арқылы консорциум елдеріндегі кәсіпкерліктің және жоғары білімнің арасындағы ынтымақтастықты кеңейту. Осындай ынтымақтастықты жақсарту ұлттық даму стратегиясының тиімділігін, сондай-ақ кәсіпкерлік саласында түлектердің жағдайын жақсартуды біртіндеп күшейтеді. Жоба қатысушылары еуропалық университеттер (Сантьяго Компостела университеті, Испания, Афины экономика және бизнес университеті, Греция, Ницца университеті - София Антиполис, Франция, Шопрон университеті, Венгрия), Ресей Федерациясы университеттері (Ресей халықтар достығы университеті, Самара мемлекеттік экономикалық университеті , И.С. Тургенев атындағы Орел мемлекеттік университеті) және Қазақстан Республикасы университеттері (Л. Н. Гумилев атындағы ЕҰУ, Әл-Фараби атындағы ҚазҰУ).
Тренингтің мақсаты: университеттер мен компаниялар арасындағы ынтымақтастықтың нысандарын зерттеу және сәйкестендіру, еуропалық серіктес елдерде оларды жүзеге асыру тетіктерін қарастыру, университеттер мен жұмыс берушілер арасындағы ынтымақтастықтың жаңа жүйелік стандарттарын жасау және енгізу, сонымен қатар жаңа тәжірибеге негізделген оқыту және оқу мүмкіндіктерін дайындау. Оқу-жаттығудың алғашқы күндері өндіріс орындарында өтті: жобаға қатысушылар IKEA Industry, ROTO Concert және Aldi Budapest сияқты ірі халықаралық өнеркәсіптік кәсіпорындар.
Сонымен қатар, тренингке қатысушылар Шопрон университетінің экономика факультетінің студенттерімен және жұмыс беруші рекрутингтік компаниялармен талқылауларға қатысты. Талқылау барысында венгерлік жұмыс берушілер 2-ші және 3-ші курс студенттеріне практикалық жұмыс тәжірибе, оқу кезінде жұмысқа орналасу және университетте оқуын аяқтағаннан кейінгі бағыттар туралы нұсқаулар мен ұсынымдар берді.
