2018 жылғы 12 желтоқсан күні Еуразия ұлттық университеті Экономика факультетінің студенттері Қазақстан даму банкі басшылығымен кездесті.

Презентация барысында ҚДБ Басқарушы директоры Ботагөз Әбішева банктің жұмыс жүйесімен, аспектілерімен таныстырып өтті. Сондай-ақ, басқа банктердегі бизнес-үдерістердің айырмашылықтары туралы айтып, болашақ қаржыгерлер мен банкирлердің көптеген сұрақтарына жауап берді.

Банк басшылығы Еуразия ұлттық университетінің білім алушыларын практика мен тағылымдамадан өтіп, тәжірибе жинау мүмкіндігінің барын айтты.

Сондай-ақ, Банк өкілдері «Білім беруді қолдау» бағдарламасы аясында «Қазақстан Даму Банкі АҚ-ның Тәжірибе» қайырымдылық жобасымен таныстырды.

Жобаның мақсаты - еліміздің техникалық мамандықтарының талантты түлектерін және студенттерін қолдау, кәсіби білім беру деңгейін көтеру, Қазақстан Республикасының озық өнеркәсіптік кәсіпорындарының жетістіктерін насихаттау.

Конкурсқа келесі мамандықтар қатыса алады:

• Пайдалы қазбаларды өңдеу;

• Механика;

• Металлургия;

• Электр энергетикасы;

• Автоматтандыру және басқару;

• Есептеу және бағдарламалық қамтамасыз ету;

• Ақпараттық жүйелер;

• Бейорганикалық заттардың химиялық технологиясы;

• Органикалық заттардың химиялық технологиясы;

• Технологиялық машиналар және жабдықтар (мұнай-газ өнеркәсібі);

• Мұнай-газ ісі («Мұнай-газ және мұнай-химия салаларында жабдықтарды жөндеу және жөндеу» бағдарламасы);

• Стандарттау, сертификаттау және метрология;

• Ғарыш техникасы және технологиясы;

• Ядролық физика

Толық ақпаратты ЕҰУ-дың Академиялық мәселелер Карьера және бизнес-әріптестік бөлімінен алуға болады.