Диссертациялық зерттеу жұмысы қорғалды
Л.Н. Гумилев атындағы Еуразия ұлттық университетінің «8D017 – Тілдер және әдебиет бойынша педагогтарды даярлау бағытындағы диссертациялық кеңесінде Оспанова Дана Жаңабекқызының философия докторы (PhD) дәрежесін алу үшін «8D01717 – Қазақ тілі мен әдебиеті» білім беру бағдарламасы бойынша дайындаған диссертациясын қорғауы сәтті өтті. «Лингвомәдени кеңістіктегі эмотивтілік: тілдік әсер және құзырет» тақырыбындағы диссертация Л.Н. Гумилев атындағы Еуразия ұлттық университетінің Қазақ тіл білімі кафедрасында орындалды.
Зерттеудің мақсаты – қазақ лингвомәдени кеңістігінің эмотивті кодын мәдениетаралық қатысым тұрғысынан қарастыра отырып, эмотивтілік санатын лингводидактикалық тұрғыдан негіздеу.
Д.Оспанованың отандық кеңесшісі – Қазақ тіл білімі кафедрасының профессоры, ф.ғ.д. Гүлғайша Сағидолда, шетелдік ғылыми кеңесшісі – Баку Славян университетінің профессоры, ф.ғ.д. Нурида Новрузова. Қорғауға докторанттың шетелдік кеңесшісі Әзербайжан Республикасынан келіп қатысты.
Дауыс беру нәтижесінде Д.Ж.Оспановаға «8D017-Тілдер және әдебиет бойынша педагогтерді даярлау» («6D011700 – Қазақ тілі мен әдебиеті», «8D01717 – Қазақ тілі мен әдебиеті» мамандықтары) кадрларды даярлау бағытының аталған бейіні бойынша PhD докторы дәрежесін беру туралы шешім қабылданды.