«МЕЦЕНАТТЫҚ ҚАЗІРГІ ШАРТТАРДА МӘДЕНИЕТ ПЕН БІЛІМ БЕРУДІ ҚОЛДАУ НЫСАНЫ РЕТІНДЕ» ТАҚЫРЫБЫНДА ҒЫЛЫМИ СЕМИНАР ӨТТІ
2024 жылдың 21 қыркүйегінде күні AP 19676432 «Қазақ қоғамындағы діни дәстүрлер және қайырымдылық (ХІХ ғ. - ХХ ғ.басы) ғылыми жобасы аясында Л.Н. Гумилев атындағы Еуразия ұлттық университеті Тарих факультетінде «Меценаттық қазіргі шарттарда мәдениет пен білім беруді қолдау нысаны ретінде» тақырыбында ғылыми семинар өтті. Семинарға шетелдік ғалым, Слупск қаласындағы (Польша) Поморск университеті тарих институтының профессоры, тарих ғылымдарының докторы Роман Дрозд қатысты. Профессор «маңызды мәселе – түрлі тарихи және мәдени контекстке қарамастан меценаттардың қоғамның дамуына ықпал етуі болып табылады, Қазақстан мен Польшадағы меценаттықтың ерекшеліктері ұқсас. Екі елде де меценаттық жеке тұлғалардың, корпорациялардың және қайырымдылық қорларының қатысуымен белсенді түрде дамып келеді. Қазақстандағы сияқты Польшада да цифрлық технологиялар меценаттық түрлерін жаңғыртуда маңызды рөл атқаратынын» атап өтті.
Сондай-ақ семинарға қатысушылар келесі тақырыптарды талқылады:
- «Қазақстандағы филантропия: проблемалар мен қиындықтар» (Жапекова Гүлфайрус Қабдулқызы – т.ғ.к., Қазақстан тарихы кафедрасының доценті ;
- «Марал ишан Баба Құрманұлы - Ислам ағартушылығы дәстүрінің көрнекті тұлғасы» (Сейтқазина Құралай Отаубайқызы – Қазақстан тарихы кафедрасының меңгерушісі т.ғ.к., доцент,);
- «Цифрлық дәуірдегі меценаттықтың даму перспективалары мен жолдары» (Кушенова Ганижамал Иманкызы – т.ғ.к., Қазақстан тарихы кафедрасының доценті);
- «ХХІ ғасырдағы білім беру жүйесін дамытудағы меценаттардың рөлі» (Қаженова Гүлнар Төлегенқызы – т.ғ.д., археология және этнология кафедрасының доценті);
- «Мәдени мұраны сақтауға меценаттың әсері». (Салауат Нұржан Серікұлы – Қазақстан тарихы кафедрасының докторанты).
Тарих факультетінің профессорлық-оқытушылық құрамы, магистранттары мен студенттері белсене қатысты.