Құрметті Ерлан Бәтташұлы! 

Халықаралық Түркі академиясы 2019 жылдың 24 маусымында дәстүрлі Ұлы Дала IV гуманитарлық ғалымдар форумын өткізгені өзіңізге мәлім. Алқалы жиынға өзіңізбен бірге университет ғалымдары да белсенді қатысып, форумда маңызды баяндамалар жасап, пікір алысуларға қызу араласты. Осы ретте халықаралық ұйым басшылары, дипломатиялық миссия өкілдері және әйгілі ғалымдар бас қосқан іс-шараға қолдау көрсеткеніңіз үшін зор алғыс айтамыз.

Форумның құрметті қонағы ретінде Қазақстанға келген Моңғолия Республикасының экс-президенті Очирбат Пунсалмагийнды өзіңіз басқарып отырған білім мен ғылым ордасына дәріс оқуға шақырып, Ұлы дала тарихы туралы қызықты кездесу өткізгеніңіз үшін айрықша ризашылық білдіреміз.

Құрметпен, Д. Қыдырәлі