Ауысу қысқы сессиядан кейін немесе жазғы сессиядан кейін демалыс кезеңдерінде жүзеге асырылады. 

Сіздің 1-семестрді аяқтағаннан кейін ақылы негізде ауысуға мүмкіндігіңіз бар. 

Ауысуға қажетті құжаттар: 

1. Өтiнiш – студенттiң өзi оқып жүрген ұйым басшысының келiсiмi және елтаңбалы мөрмен расталған қолы болуы қажет. 

2. ЖОО-ның лицензиясының көшірмесі; 

3. қажеттi мамандық көрсетiлген лицензияға қосымшаның көшірмесі; 

4. оқу бөлiмiнiң бастығы (оқу әдiстемелiк бөлiмi немесе басқарма), факультет деканы растаған, мөр басылған транскрипт; 

5. ҰБТ сертификатының көшірмесі (4 пән бойынша 70 балдан кем болмауы тиісті); 

6. грант куәлiгiнiң (егер студент иегер болса). 

Егер грантыңыз болса, мемлекеттік университеттен ұлттық университетке ауысу барысында ҚР БҒМ талабына сәйкес мемлекеттік білім беру гранты сақталмайды. Сондай-ақ, ауысу барысында үлгерім бағаларында «3» бағасы болмауы тиісті.