Дата публикации: 01.06.2012 07:47:26
Сәлеметсіз бе Бақытжан Жарылкасынұлы. Мен Қызылорда агро техникалық колледжін "Экология" мамандығы бойынша қызыл дипломмен аяқтадым.Енді оқуымды ЕҰУ-да жалғастырғым келеді. Мен грантқа түсуім үшін қанша балл жинауым керек?және тестілеу қай пәндерден, қашан болады? Сонымен қатар жатақханадан орынды қалай алуға болады?осы жөнінде толық ақпарат барсеңіз.алдын-ала рахмет!
Дата ответа: 01.06.2012 07:47:26
Саламатсыз ба, Мағрипа!
Л.Н. Гумилев атындағы Еуразия ұлттық университетінде сырттай оқу және қысқартылған білім беру бағдарламалары бойынша оқуға қабылдау жүргізілмейді.
Егер біздің универитетімізге түсетін болсаңыз Сізге кешенді тестілеу тапсыру керек. Кешенді тестілеуге қатысу үшін өтініш 20 маусым – 9 шілде аралығында қабылданады. Кешенді тестілеуге қатысу үшін жоғары оқу орнының қабылдау комиссиясына белгіленген үлгідегі бланкіде өтінішіңізді, кәсіптік бастауыш (техникалық және кәсіптік) немесе кәсіптік орта (ортадан кейінгі) біліміңіз туралы құжатыңыз (түпнұсқа), кешенді тестілеу өткізуге қажетті төлемақыны төлегеніңіз туралы түбіртекті (квитанция), 3х4 көлеміндегі екі фотосуретті, 086-У нысанындағы медициналық анықтаманы, сондай-ақ жеке басыңызды куәландыратын құжаттың көшірмесін тапсыруыңыз қажет. Кешенді тестілеу 17-23 шілде аралығында өткізіледі.
Кешенді тестілеу азаматтардың қалауы бойынша қазақ немесе орыс тілдерінде орта білім берудің оқу бағдарламалары көлемінде төрт пән: қазақ немесе орыс тілі (оқу тілі), Қазақстан тарихы, математика және талапкердің таңдаған мамандығына байланысты пән бойынша өткізіледі («Экология» мамандығын таңдайтын болсаңыз, таңдау - биология болады).
Әрбір пән бойынша тест тапсырмаларының саны 25. Әрбір тест тапсырмасының дұрыс жауабы бір балмен бағаланады.
Тест қорытындысы бойынша сертификат алып, 23-31 шілде аралығында құжаттарыңызды өткізіп, мемлекеттік білім беру гранттарын тағайындау конкурсына қатыса аласыз. Конкурстың қорытындысы тамыздың 10-да бұқаралық ақпарат құралдарында жарияланады.
Оқу мерзімі - 4 жыл, тек күндізгі бөлімде жүргізіледі.
Ал жатақхана алдымен басқа қаладан келген жастарға және грант иегерлеріне беріледі. Жатақхананың ережелерімен университеттің сайтында таныса аласыз www.enu.kz.
