«Тіл. Мәдениет. Аударма: цифрлық дәуірдегі мәдениетаралық қарым-қатынас» тақырыбындағы II халықаралық ғылыми-практикалық конференция

Құрметті әріптестер, жас ғалымдар, студенттер!

Л.Н.Гумилев атындағы Еуразия ұлттық университеті 2025 жылдың 9 сәуірінде өтетін «Тіл. Мәдениет. Аударма: цифрлық дәуірдегі мәдениетаралық қарым-қатынас» тақырыбындағы II халықаралық ғылыми-практикалық конференция жұмысына қатысуға шақырады.

Конференцияның негізгі мақсаттары:

• Аударма, тіл және мәдениет салалары ұштастығындағы зерттеулердің дамуына, олардың өзара байланысына және мәдениетаралық қарым-қатынасқа ықпал ету;
• Аударма саласындағы озық әдістер мен тәжірибелермен алмасу, сондай-ақ цифрлық дәуірдегі инновациялық технологияларды таныстыру үшін платформа ұсыну;
• Әртүрлі елдердің зерттеушілері, оқытушылары мен тәжірибелі аудармашылар арасында байланыс орнату арқылы халықаралық ғылыми және академиялық ынтымақтастықты нығайту;
• Білім алушылар мен жас мамандарды аударма, тіл және мәдениет салалары ұштастығындағы ғылыми жұмыстарға белсенді қатысуға ынталандыру;
• Қазіргі цифрлық әлемде мәдениетаралық қарым-қатынасқа байланысты қиындықтардың алдын-алу үшін ұсыныстар мен практикалық шешімдер әзірлеу.

Конференцияның негізгі бағыттары:

1. Аударматану мен аударманы оқытудағы инновациялық технологиялар;
2. Жасанды интеллект пен мультимедиялық аударма;
3. Аударма және мәдениетаралық қарым-қатынас мәселелері.