ЕҰУ Жасанды интеллект жетістіктері көрмесі (ENU AI Expo) 30 қыркүйекте өтеді

30 қыркүйек күні Л.Н. Гумилев атындағы Еуразия ұлттық университетінде  Жасанды интеллект жетістіктері көрмесі (ENU AI Expo) өтеді. Іс-шара университеттің жасанды интеллект және цифрлық технологиялар саласындағы жаңа әзірлемелерін көпшілікке таныстыру алаңына айналады.

Көрме аясында университет зерттеушілері мен мамандары әзірлеген бірегей жобалар ұсынылады:

• Инклюзивті гид - ерекше білім беру қажеттіліктері бар адамдарды қолдауға арналған интеллектуалды жүйе;
• E-Curator чат-боты - студенттер мен оқытушыларға арналған цифрлық көмекші;
• Дәріс оқитын ЖИ-аватар - онлайн оқытудың мүмкіндіктерін кеңейтетін инновациялық құрал;
  сондай-ақ білім мен ғылымның цифрлық трансформациясын дамытуға үлес қосатын басқа да шешімдер.
  Іс-шара форматы - көрме және презентация. Қатысушылар тек жобалармен танысып қана қоймай, олардың жұмысын іс жүзінде көре алады.
  ENU AI Expo жасанды интеллектіні танымал етуге, университеттің ғылыми-оқыту әлеуетін нығайтуға, сондай-ақ студенттер, оқытушылар мен IT-мамандар арасында тәжірибе алмасу мүмкіндігін жасауға бағытталған.

Өткізу күні мен орны: 2025 жылғы 30 қыркүйек, Л.Н. Гумилев атындағы Еуразия ұлттық университеті, Күлтегін Атриумы. 10-00