Ай сайынғы стипендиямен постдокторанттың бос лауазымына орналасуға конкурс жарияланады

2026 жылғы 7 қазаннан 16 қазанға дейін Л.Н. Гумилев атындағы ЕҰУ ай сайынғы стипендиямен постдокторанттың бос лауазымына орналасуға конкурс жариялайды. Жобаны іске асыру мерзімі – 2026-2028 жж.

Постдокторантураның мақсаты білім мен ғылымды өндіріспен интеграциялауға бағытталған ғылыми тақырыптар мен жобалар бойынша перспективалық ғылыми зерттеулер жүргізу үшін Университетке конкурстық негізде дарынды жас ғалымдарды тарту болып табылады.

Байқау Университеттің ғылыми қызметкерлері мен ғылыми жобаларын орындаушылар арасында өткізіледі. Үшінші тарап ізденушілерінің қатысуына рұқсат етіледі, егер:

- олар ғылыми жоба бейіні бойынша ғалымдар;

- олардың ғылыми зерттеулерінің бағыты Университеттің ғылыми жобасының тақырыбына сәйкес келеді;

- конкурс шарттарымен келіседі;

- жеңімпаз деп танылған жағдайда шарт жасасуға және өзіне қабылдаған міндеттемелерді орындауға міндеттенеді.

Постдокторант лауазымына қойылатын негізгі талаптар:

- 40 жасқа дейінгі шетел азаматтары;

- ғылым кандидаты, ғылым докторы немесе философия докторы (PhD) дәрежесінің болуы;

- ағылшын тілін еркін меңгеру (IELTS сертификаты 6.0 баллдан төмен емес немесе ТМД азаматтары үшін TOEFL 550);

- соңғы 3 жылда Web of Science (бірінші және екінші квартиль) немесе Scopus (процентиль 75-тен төмен емес) библиометриялық базасына кіретін халықаралық рецензияланатын басылымдарда кемінде 3 басылымның болуы;

- гранттық, бағдарламалық-нысаналы және өзге де қаржыландырудың ғылыми бағдарламаларын орындау кезінде ғылыми қызмет процестеріне қатысу тәжірибесі.

Бұрын осы бағдарламаның жеңімпаздары болып табылатын тұлғалар конкурсқа қатысуға жіберілмейді.

Байқау жеңімпазы:

- Университетпен кемінде 2 (екі) жыл мерзімге қызмет көрсету шартын немесе ғылыми жоба шеңберінде белгілі бір жұмыстарды орындауға еңбек шартын жасасады. Университеттің Ғылыми-техникалық кеңесінің ұсынымы бойынша Университеттің Ғылыми кеңесінің оң шешімі болған кезде шартты 5 (бес) жылға дейін ұзартуға жол беріледі;

- жеке табыс салығын қоса алғанда, айына 555 556 теңгеден аспайтын мөлшерде стипендия алады;

- Университеттің зертханалық жабдықтарына, әлемдік ақпараттық ресурстарға және кітапхана қорларына тегін және шектеусіз қолжетімділікке ие болады.

Конкурстық құжаттамамен университет сайтындағы (www.enu.kz) «П ЕҰУ K-V-22 Л.Н. Гумилев атындағы ЕҰУ-дағы постдокторантура бағдарламасы туралы Ереже» (бұдан әрі – «Ереже») «Ғылым» бөлімінде, «Постдокторантура» кіші бөлімінде немесе келесі сілтеме бойынша танысуға болады: https://enu.kz/ru/page/science/postdoctoral-studies

Конкурсқа қатысу үшін қажетті құжаттар:

Ізденуші Ғылым департаментіне мынадай құжаттарды ұсынуы тиіс:

- белгіленген нысан бойынша өтініш (Ереженің 1- және 2- Қосымшасы);

- зерттеу тақырыбын, нақты ғылыми ұжымды/жобаны көрсете отырып, ізденуші қол қойған постдокторантураға қабылдау туралы өтініш;

- кеңейтілген кәсіби түйіндеме – ғылыми паспорт (Ереженің
3-Қосымшасы);

- жұмыс тәжірибесі, жобаға қатысу үшін қажетті нақты дағдыларды ашатын мотивациялық хат (1000 таңбадан аспайды);

- зерттеу қызметінің және жарияланымдардың күнтізбелік жоспары (Ереженің 4-Қосымшасы);

- Web of Science, Scopus индекстеген журналдардағы ең маңызды және негізгі жарияланымдардың іздері;

- ғылым кандидаты, ғылым докторы немесе философия докторы (PhD) дәрежесі туралы дипломның көшірмесі. Ағылшын тіліндегі құжаттар мемлекеттік немесе орыс тілдерінде куәландырылған аудармасымен болуы тиіс;

- IELTS немесе TOEFL сертификаты;

- жұмыс беруші ұйымның қолымен және мөрімен расталған тиісті саладағы зерттеуші ғалымдардың екі ұсынысы (егер бар болса).

Үміткерлерден өтінімдер 2026 жылғы 16 қазан, сағат 18.00-ге дейін сканерленген нысанда келесі электрондық мекенжай бойынша қабылданады: postdoc@enu.kz (хаттың тақырыбында «Постдокторантура конкурсы үшін» деп көрсетіңіз).

Құжаттардың толық пакетінің болмауы үміткерді конкурстан шығаруға негіз бола алады. Өтінімдерді қабылдау аяқталғаннан кейін келіп түскен өтінімдер қаралмайды.

Барлық туындаған сұрақтар бойынша Ғылыми әлеуетті дамыту басқармасына хабарласа аласыздар. Тел.: 709-500 (ішкі.: 31-464, 31-315,
31-443), Оқу-әкімшілік корпусы, № 408 кабинет.