ХV Республикалық студенттік пәндік олимпиада жеңімпаздары

2023 жылдың 19-21 сәуірінде әл-Фараби атындағы Қазақ ұлттық университетінде «В053 – ХИМИЯ» білім беру бағдарламалары тобы бойынша XV Республикалық студенттік пәндік олимпиада өтті. Олимпиада ҚазҰУ-дың химия және химиялық технология факультетінде өтті. ӘлФараби 2 турда: теориялық және эксперименттік. Осыған сәйкес мыналар ұйымдастырылып, жүзеге асырылды:

1) біріншісі – теориялық тур, онда олимпиада қатысушыларына келесі пәндер бойынша есептерді шешу ұсынылды:

1. Бейорганикалық химия

2. Органикалық химия (физика-химиялық зерттеу әдістерінің элементтерімен)

3. Физикалық химия

4. Аналитикалық химия

2) екінші – эксперименттік тур, онда олимпиадаға қатысушыларға зертханалық жағдайда эксперименттік есепті шешу ұсынылды.

Химия пәні бойынша олимпиадаға Қазақстан Республикасының 9 жоғары оқу орындарынан 12 команда қатысты.

Гумилев атындағы Еуразия ұлттық университеті Жаратылыстану ғылымдары факультетінің химия кафедрасынан екі команда қатысты. «Молекула» командасының мүшелері: Малғаждарова А.Б., 6В05301-Қолданбалы химия, 4 курс; Мендалиев Ғ.К., 6В05302-Бейорганикалық химия, 4 курс; Молдабаева М.С., 6В05301-Қолданбалы химия. «Curiosity voyage» командасының мүшелері: Ирбаева С.Е., 6В05303-Органикалық заттар мен полимерлер химиясы, 4 курс студенті; Карабаева А.М., 6В05303-Органикалық заттар мен полимерлер химиясы, 4 курс студенті; Сейдахмед Н.С., 6В05302-Бейорганикалық химия, 3 курс. Топ жетекшілері: х.ғ.к., профессор м.а. Машан Т.Т., PhD, аға оқытушы Ташенов Е.О.

Командалық біріншілікте екі кезеңнің қорытындысы бойынша «Curiosity voyage» командасы екінші жүлделі орынға, «Молекула» командасы үшінші орынға ие болып, Дипломдар және бағалы сыйлықтармен марапатталды.

Жеке біріншілікте 3 курс студенті Сейдахмед Нұрдәулет Сейдахмедұлы олимпиада жеңімпазы атанып, ІІ –ші дәрежелі Дипломмен марапатталды.

х.ғ.к., профессор м.а. Машан Т.Т.