Л.Н.Гумилев атындағы Еуразия ұлттық университеті Тарих факультетінде «Қазақстан республикасындағы қайырымдылық дәстүрлері» тақырыбында халықаралық ғылыми-практикалық конференция ұйымдастырылды
Халықаралық ғылыми-тәжірибелік конференцияның жұмысы ҚР Ғылым және жоғары білім министрлігі тарапынан гранттық қаржыландыру аясында орындалатын № AP19676432 "Қазақ қоғамындағы діни дәстүрлер және қайырымдылық (ХІХ ғ. - ХХ ғ.басы)" атты ғылыми жобаны жүзеге асыруға бағытталған.
Л.Н.Гумилев атындағы Еуразия ұлттық университеті Тарих факультетінде 2024 жылғы 23-сәуірде «Қазақстан республикасындағы қайырымдылық дәстүрлері» тақырыбында халықаралық ғылыми-тәжірибелік конференция өтті.
Халықаралық ғылыми-тәжірибелік конференцияға қатысқан шетелдік зерттеушілер: Суриндра Банерджи – Лидс университетінің бизнес мектебінің маркетинг кафедрасының доценті, Жаһандық және стратегиялық маркетингті зерттеу орталығы директорының орынбасары (Ұлыбритания), Сыздықова Жібек Сапарбекқызы – тарих ғылымдарының докторы, профессор, М. В. Ломоносов атындағы Мәскеу мемлекеттік университетінің Азия және Африка елдері институты Орталық Азия және Кавказ елдері кафедрасының меңгерушісі, Роман Дрозд - тарих ғылымдарының докторы, профессор. Тарих институты Померан университеті (Слупск, Польша), Абдулла Гүндогду - тарих ғылымдарының докторы, Анкара университетінің профессоры (Түркия).
Конференция модераторы - Л.Н. Гумилев атындағы ЕҰУ Қазақстан тарихы кафедрасының меңгерушісі К.О. Сейтказина.
М.В. Ломоносов атындағы Мәскеу мемлекеттік университеті Азия және Африка елдері институтының халықаралық ынтымақтастық жөніндегі директордың орынбасары Е.С. Синцова өзінің құттықтау сөзінде қайырымдылықтың тарихы мен дәстүрін, жаңа бастамаларды, қайырымдылық қызметті дамытудың тенденцияларын талқылау бүгінгі таңдағы ең өзекті тақырыптардың бірі болып табылатынын атап өтті.
Л.Н. Гумилев атындағы ЕҰУ Тарих факультеті Қазақстан тарихы кафедрасынан т.ғ.д., профессор Ковальская Светлана Ивановна, т.ғ.к., Қазақстан тарихы кафедрасының қауымдастырылған профессоры Жапекова Гүлфайрус Кабдуловна, т.ғ.к., Қазақстан тарихы кафедрасының қауымдастырылған профессоры Кушенова Ғанижамал Имановна, тарих ғылымдарының кандидаты, Археология және этнология кафедрасының доценті Каженова Гульнар Тулегеновна, ҚР Ұлттық музейінің жетекші ғылыми қызметкері, тарих ғылымдарының кандидаты, PhD Рахимов Ернұр Кендібайұлы қатысып, баяндама жасады.
Аталмыш шараға Л.Н. Гумилев атындағы Еуразия ұлттық университеті докторанттары, магистранттары, студенттері, сонымен қатар, Қазақстан мектептерінің оқытушылары белсенді қатысты. Конференция барысында аудармашы болған «Академиялық ұтқырлық» бағдарламасын жүзеге асырушы студент Катрин Сорокинге (Миддлбери колледжі, Вермонт, АҚШ) алғыс білдіреміз.