Оқырмандар байқауының қорытындысы шығарылды
ЕҰУ білім алушылары арасында оқырмандар байқауының жеңімпаздарын марапаттау өтті. Айта кетейік, «Оқу додасы» байқауы ағымдағы жылдың наурыз айында басталып, үш кезеңде өтті.
Сайыстың басты мақсаты – университет қабырғасындағы білім алушылар арасында кітап оқуды және қазақ әдеби туындыларды насихаттау және оқырман ортасын қалыптастыру.
Байқауға 13 факультеттен 90 қатысушы қатысып, оның ішінен 10 қатысушы оқ бойы озып ақтық кезеңге өтті.
Байқау 3 айға созылды (наурыз, сәуір, мамыр). Барлығы 3 іріктеу кезеңінен тұратын сайыста үздіктер топ жарды.
Сайыс қорытындысы бойынша 6 шығарма (30-60 бет), 3 кітап оқылды:
- М. Мағауин “Бір атаның балалары”;
- Р. Отарбаев “Шыңғысханның көз жасы”;
- Д. Әшімхан “Жер аңсаған сары атан”;
- О. Бөкей “Атау кере”;
- С. Көбеев “Қалың мал”;
- Ә. Кекілбаев “Шыңырау”;
- Д. Исабеков “Қарғын”;
- С. Мұратбеков “Жусан исі”;
- С. Елубай “Ақ боз үй”.
Әр апта сайын оқырмандармен кітап талқы түрінде шығармалар талданып, куиз, кахут онлайн платформасынан тест орындау арқылы еске түсіру ойындары ойнатылды.
Екінші іріктеу бойынша ақтық кезеңге 7 қатысушы қатысты. Нәтежиесінде: (барлығы 145 балл)
Рахымбай Шұға, ФТФ - 120,5 балл (I орын, 50 000 теңге)
Амангелдиева Диана, ММФ - 119,5 балл (II орын, 30 000 теңге)
Жапекова Медина, ӘҒФ - 113 балл (III орын, 20 000 теңге)
жүлделі орынға ие болды. Додада бақ сынаған қатысушыларға арнайы алғыс хаттар мен диплом табысталды.
