Отандық және шетелдік сарапшылар ЕҰУ-да оқу орындарында «жасыл» бағытты ілгерілету мәселелерін талқылады

Л. Н. Гумилев атындағы Еуразия ұлттық университетінде тұрақты даму саласындағы саясат жоспарын іске асыру шеңберінде әлеуметтік ғылымдар факультеті ұйымдастырған «Жасыл «мәртебеге жол: мектептер, колледждер мен жоғары оқу орындарының тәжірибесі» атты халықаралық ғылыми-практикалық конференция өтті.

Іс - шара басқа да мүдделі ұйымдармен желілік серіктестікте өткізілді («Жасыл мектеп - жасыл колледж-жасыл университет моделі» білім беруді экологияландыруды дамыту жүйесі ретінде» ғылыми жобасы аясында, жетекшісі-профессор Г.Длимбетова).

Конференция жасыл бағытты ілгерілету ретінде түрлі елдердің өкілдерін талқылау алаңы болды. Екі күн бойы осы халықаралық конференцияда экологиялық білім беру үдерісі, жастардың эковолонтерлік тәжірибесі бойынша қазақстандық және шетелдік ғалымдардың, тәжірибешілердің, жұмыс берушілердің, стейкхолдерлердің, үкіметтік емес ұйымдардың ғылыми-педагогикалық алмасуы өтті. 100-ге жуық баяндама, экоидеялар, түрлі тренингтер және эковидеоматериалдар ұсынылды.

Отандық серіктестер мен Ұлыбритания, Польша Қытай, Словакия, Оңтүстік Африка, Нигерия, Абхазия, Моңғолия, Молдова, Ресей, Беларусь, Армения, Өзбекстан, Қырғызстан және т.б. елдердің біздің университет базасында өткізілетін тұрақты даму тақырыбындағы іс-шараларымызға үнемі қызығушылық танытқаны үшін зор алғысымызды білдіреміз.