Географ-студенттер Сандықтау ауылында далалық тәжірибеден өтті

Жаратылыстану ғылымдары факультетінің "Физикалық және экономикалық география" кафедрасының «6В05209 – География» білім беру бағдарламасының 1 курс білім алушылары Сандықтау ауданының, «Жас дәурен» жыл бойы балалар сақтандыру лагерінде 20.05.24 – 26.05.24 ж. – 150 студент оқу практикасынан өтті.

Болашақ география мамандарын  кәсіби даярлаудағы практикалық қызметтің артықшылығы-табиғи және антропогендік ортамен тікелей қарым-қатынас жағдайында жеке тұлғаны кәсібилендіру. Далалық практиканың негізгі  міндеті, әдетте, алынған теориялық білімді бекіту және далалық зерттеу дағдыларын қалыптастыру болып табылады, атап айтқанда: студенттердің аудиториялық сабақтарда алған теориялық білімдерін бекіту. Далалық кезең нақты материалды жинауды және оны күнделікті өңдеуді қамтиды. Практика барысында студенттер теориялық оқу процесінде: "Географияға кіріспе", "Жертану" пәндерінен алған білімдерін қолданды.

Тәжірибенің негізгі мақсаты-студенттердің географиялық құбылыстар мен процестерді бақылау дағдыларын дамыту, далалық зерттеулер әдістемесін игеру, табиғи аумақтық кешендерді зерттеу. Табиғатты тиімді пайдалану шараларын бағалау және ұсыну, табиғи жағдайларды экономикалық бағалау дағдыларын қалыптастыру, олардың халықтың экономикалық қызметіне әсерін анықтау және табиғи жағдайлар мен ресурстарды ұтымды пайдалану мүмкіндіктерін бағалау. Жалпы, ол студенттердің географиялық ойлауын дамытуға бағытталған. Далалық тәжірибе оқу мақсаттарымен қатар студенттердің тәрбие жұмысына үлкен мүмкіндіктер беретінін атап өткен жөн.

Студенттер шағын топтар бойынша тапсырмалар алды. Жертану курсы бойынша олар табиғи аумақтық кешеннің барлық компоненттерін оқығандықтан, генетикалық көкжиектердің үйлесімін және механикалық құрамды сипаттау қабілетін анықтау үшін топырақ профилін (шурф қазып) жасады.

Тәжірибе бағдарламасына геоботаникалық зерттеулер кірді. Әр топтың міндеті өсімдіктер қауымдастықтары өкілдерінің максималды санын табу, жинау және анықтау болды. Студенттер қол жетімді емес жерлерде өсімдіктердің кейбір түрлерін жинауға мәжбүр болды (шалғындар, таулы жерлер, батпақты жерлер және т.б.). Жас қалыптасып келе жатқан мамандар Сандықтау ауданында кездесетін әр түрлі өсімдіктерді сипаттау негіздерін меңгерді, өсімдіктерді жүйелеу саласында маңызды тәжірибе алды.

Сондай-ақ практиканың маңызды міндеті далалық жағдайда туристік жорықты ұйымдастыру дағдыларын, күрделі жер бедері бойынша жүріп-тұру техникасы мен тактикасын меңгеру болды. Себебі мектеп бағдарламасында саяхат сабақтарында қажет болатын дағдыларын қалыптастыра білу керек.

Сол мақсатта "Сандықтау бұлағы", "Людмила және Руслан террассасы" граниттік негізін, бұлақтарға, Сандықтау ауданының ең биік нүктесі «Безымаянная» шоқысын көру бойынша жорық ұйымдастырылды. Жорық кезінде GPS-навигатор бойынша бағыт төсеу, теңіз деңгейінен салыстырмалы биіктіктерін анықтап жазумен термометр, анемометр және барометр бойынша ауаның температурасы, желдің бағыты мен атмосфералық қысымын зерттеумен айналысты. Дала жұмыстары барысында нивелирлік өлшеу жұмыстары  жүргізіліп, жергілікті жердің жоспары сызылды. Бурав құралын қолданып ағаш өзектерін алып және жасын анықтады, ылғал өлшеу құралымен ылғалдылық коэффициентін анықтады.

Тәжірибеден өту кезінде студенттер жағажайға, орманға барып, спорттық іс-шаралар өткізді. Күн сайын таңертеңгілік жаттығулар өткізіліп, жұмыс күннің соңында атқарылған жұмыс бағаланды және келесі күнге жұмыс жоспары жасалды.

Балалар Л.Н. Гумилев атындағы Еуразия ұлттық университетіне осындай көркем жерде - Сандықтау ауданында тәжірибеден өтуге мүмкіндік бергені үшін үлкен алғыс білдіреді. Әр күн жемісті, көңілді, есте қаларлық болды.

Камералдық кезеңге және практиканы қорытындылауға ерекше назар аударылды. Қорытынды материалдар өңделген күнделіктер, иллюстрациялық материалдар (профильдер, карталар, сызбалар) қоса берілген жазбаша есептер, түрлі коллекциялар мен үлгілер түрінде ұсынылды.

Тәжірибе аяқталғаннан кейін (университетке оралғаннан кейін) далалық материалды талдап және өңдеп, білім алушылар қорытынды есеп жазуға кірісті. Далалық практика материалдары кафедраға тапсырылды, одан әрі дипломдық жұмыстарды жазу кезінде, пәндер бойынша практикалық сабақтар мен семинарларда пайдаланылатын болады.

Жалпы, оқу практикасы кәсіби дағдыларды игеруде, оқу-тәрбие жоспарында және сауықтыруда өте пайдалы болды.