Green energy management жазғы мектебі өз жұмысын бастады

2024 жылдың 24 маусымында «SILKWAY» халықаралық консорциумы аясында «Жасыл энергия мен тұрақтылықты дамыту» тақырыбындағы «Жасыл энергия менеджменті – Silkway Central Asia Edition» атты кезекті Жазғы мектеп өз жұмысын бастады. Биылғы жылы жазғы мектеп Қырғызстанда Ош мемлекеттік университетімен бірге көрікті Ыстықкөлдің жағасында өтуде. Дәстүрлі серіктестер ретінде Милан Бикокка университеті және Эни компаниясы әрекет етеді.

Тренингке Италия, Бельгия, Финляндия, Қазақстан, Қырғызстан және Өзбекстан университеттерінен 20-ға жуық қатысушы қатысуда. Италия, Түркия, Әзірбайжан, Қырғызстан және Қазақстан ғалымдарының дәрістері келесі бағыттарды қамтиды: жасыл экономиканы басқару, энергетиканы қаржыландыру, жасыл экономикадағы жаңа трендтер, энергетикалық геосаясат, декарбонизацияға көшу, жасыл энергетиканы басқарудағы жасанды интеллект.

Жазғы мектеп 2024 жылдың 28 маусымына дейін жалғасады және жаңартылатын энергия, жасыл экономика және тұрақты дамудың басқа да тақырыптарын дамытудағы өзекті тақырыптарды талқылау алаңына айналуға арналған. Сонымен қатар, ұжымдық рухты қалыптастыруға және жергілікті мәдениетпен танысуға бағытталған этно-фольклорлық кеш, жергілікті көрікті жерлерге бару, ұлттық тағамдармен танысу, спорттық іс-шаралар, экологиялық сенбілік, далалық зерттеу сияқты бірқатар іс-шаралар жоспарлануда.

Құттықтау сөзімен Италия Cыртқы істер министрлігі мен Италияның Қазақстан Республикасындағы және Қырғыз Республикасындағы Елшілігінің өкілдері, Милано Бикокка Университетінің, ЕҰУ және Ош мемлекеттік университетінің проректоры, GEM бағдарламасының үйлестірушілері сөз сөйледі.

Ғаламшарды сақтау және қорғау міндеттерінің маңыздылығын түсіне отырып, ЕҰУ білім беру бағдарламаларын жүзеге асыру, ғылыми зерттеулер жүргізу және «Жасыл экономика», «TREASUREWATER» сияқты жобаларды жүзеге асыру арқылы жасыл энергия туралы білімді қалыптастыруға және таратуға үлес қосуда. Сондай-ақ 2022 жылдан бастап ЕҰУ-де «Жасыл экономика» поляк-қазақ ғылыми орталығы жұмыс істейді. ЕҰУ тұрақты даму бойынша Times Higher Education Impact рейтингі, QS тұрақты даму рейтингі сияқты жыл сайынғы рейтингтерге қатысады.

Тақырыптың өзектілігін ескере отырып, осы жазғы мектеп - жасыл энергетиканы дамыту мәселелері бойынша пікір алмасуға, перспективаларды талқылауға және еуразиялық аймақ жағдайында тұрақты даму үшін қажетті шараларды анықтауға тамаша мүмкіндік.