ЕҰУ мен жапондық Hitachi High-Tech Europe GmbH компаниясы меморандумға қол қойды

Еуразия ұлттық университетінің ректоры Ерлан Сыдықов пен Hitachi High-Tech Europe GmbH президенті Кадзуёши Матсукадзе ғалымдарды даярлаудың ғылыми-білім беру бағдарламасын жүзеге асыру мақсатында өзара түсіністік туралы меморандумға қол қойды.

Меморандум аясында астаналық оқушылар электронды физика, компанияның электронды жабдықтарының жұмыс істеу принциптері және оны қолдану бойынша дәрістер тыңдайды.

«Жапония – біз үшін достықтағы ел және біз екіжақты қарым-қатынасымызды жоғары бағалаймыз. Еліміздің мемлекеті ғылымның дамуына ерекше көңіл бөлуде. 2022 жылы ЕҰУ ғылыми-зерттеу университеті мәртебесіне ие болды және қазір біз ғылыми әлеуетті нығайтуға, жоғары білікті ғалымдарды даярлауға және әлемдік ғылыми мектептермен ынтымақтастықты дамытуға бағытталғанбыз. Осыған байланысты біз сіздердің компанияңызбен бірлескен шеберханалар, зертханалар ашу, жаңа жабдықта жұмыс істейтін мамандарды даярлау, бірлескен курстар, воркшоптар өткізу және т.б. салаларда ынтымақтастық орнатуға мүдделіміз. Біздің әріптестігіміз елдеріміздің игілігі үшін ұзақ мерзімді достыққа айналады деп сенемін», - деп атап өтті Ерлан Сыдықов.

Өз кезегінде Hitachi High-Tech Europe GmbH президенті Кадзуёши Матсукадзе Еуразия ұлттық университетімен бірлесе отырып, қазақстандық мектеп оқушыларының университетте ғылымды оқып, болашақ ғалымның біліктілігін меңгеруіне мүмкіндік жасауға дайын екендіктерін баса айтты.

«Мен талантты адамдардың шетелге кетуіне жол бермеу үшін біздің әрі қарайғы ынтымақтастық бағдарламамыз арқылы университетте неғұрлым тартымды зертхана жасағым келеді. Өйткені біз, Hitachi, аналитикалық жұмыстың көптеген ноу-хауына ие боламыз әрі университетпен және Hitachi-мен ынтымақтастық мүмкіндігін қарастырамыз», - деді әлемдегі ең ірі компаниялардың бірінің өкілі.

Кездесу барысында тараптар бірлескен ғылыми зерттеулер, ғалымдарға арналған семинарлар, зерттеушілер мен оқытушыларға арналған курстар, ғылым мен білім саласындағы ынтымақтастықтың басқа да бағыттарын жүргізуге ниеттерін білдірді.

Кездесуге академиялық мәселелер жөніндегі проректор Ардақ Бейсенбай, цифрландыру жөніндегі проректор - цифрлық офицер Гүлмира Бекманова, инновацияларды дамыту департаментінің директоры Әсел Джексембаева, халықаралық ынтымақтастық департаментінің директоры Анастасия Кармелюк және басқалар қатысты.

Айта кету керек, Еуразия ұлттық университеті академиялық ұтқырлық, шетелдік мамандар мен докторант-кеңесшілерді тарту, ғылыми-зерттеу бағдарламасы бойынша Жапониямен қарым-қатынасты белсенді дамытуда. ЕҰУ серіктестерінің тізіміне Жапонияның 8 университеті мен ұйымы кіреді: Осака университеті, Цукуба университеті, Хачинохе технологиялық институты, Киндай университеті, Досиша университеті және т.б.