Л.Н. Гумилев атындағы ЕҰУ филиалының ашылуы: ғылым мен білім үшін жаңа мүмкіндіктер
2024 жылғы 29 тамызда NURIS технопаркінің резиденті «Экологиялық және өнеркәсіптік биотехнология ғылыми-өндірістік орталығы» ЖШС базасында Л.Н. Гумилев атындағы ЕҰУ жаратылыстану ғылымдары факультетінің филиалы ашылды. Салтанатты рәсімге жаратылыстану ғылымдары факультетінің деканы Ж.Ғ. Берденов пен Химия кафедрасының меңгерушісі Э.Е. Копишев қатысты.
Филиалды құру бiлiктi кадрлар даярлауды жақсарту, оқу процесiнiң практикалық бағыттылығын күшейту, сондай-ақ бiрлескен ғылыми зерттеулер жүргiзу және олардың нәтижелерiн өндiрiске енгiзу мақсатын көздейдi. Филиалдың материалдық-техникалық базасы 6В05301 - Қолданбалы химия, 6В05302-Бейорганикалық химия, 6В05306 - Органикалық заттар мен полимерлер химиясы, 7М05306 - Физикалық химия, 7М05301 - Қолданбалы химия, 7М05307 - Органикалық заттар химиясы және мұнай химиясы, 6В05102 - Жануарлар биотехнологиясы және биоинформатика, 7M05103 - Молекулярлық биотехнология және биомедицина, 7M05104 - Жалпы және қолданбалы биотехнология, 7М05105 - Биотехнология және биологиялық қауіпсіздік, 6В05107 - Биология ", 7М05107 - Биология.
Филиалдың ашылуы ғылыми зерттеулерді дамытуға және олардың нәтижелерін экономиканың нақты секторына ықпалдастыруға бағытталған ынтымақтастық үшін жаңа перспективалар ашады, бұл Қазақстандағы ғылым мен білім берудің дамуына елеулі үлес қосады.