ҚҰҚЫҚТЫҚ САУАТТЫЛЫҚ ЖӘНЕ ЖАУАПКЕРШІЛІК
2024 жылдың 12 қыркүйек күні «Әдеп» жобалық кеңсесінің жетекшісі, Әлеуметтік және азаматтық даму департаменті директорының орынбасары, з.ғ.к. Е. Нұғыманов Сәулет-құрылыс факультетінің Құрылыс кафедрасының В074-732924-03 тобының 1 курс студенттері мен топ кураторы А. Тлеубаеваның қатысуымен «Құқықтық сауаттылық және жауапкершілік» тақырыбында кездесу өткізді.
Кездесу барысында ол студенттердің құқықтық сауаттылығына көп көңіл бөлу кажеттігін және осы бағытта жұмысты күшейту керектігіне тоқтала отырып, оларды тәртіпті болуға, қоғамдық орындарда тәртіпті сақтауға, құқық қорғау органдарына сенімді күшейтуге, сыбайлас жемқорлыққа жол бермеуге, сонымен қатар университетте Қоғамдық қабылдаудың жұмыс жасайтынын және QR арқылы әрбір студент өзінің ұсыныстарымен қатар сұрақтарын қойып, жауап алу мүмкіндіктері бар екендігі айтты.
Сөзін аяқтай келе Е. Нұғыманов университет аумағында учаскелік инспектормен бірге рейд жүргізіліп, заң бұзушылық анықталған жағдайда құқық бұзған студентке әкімшілік хаттама толтырылатынын қатал ескерте отырып, студенттерге жаңа оқу жылында сәттілік тіледі.
Кездесу барысында сұрақтар қойылып, тиісті жауаптар алынды.