ЕҰУ-да Л. Н. Гумилевтің бюстіне гүл шоқтары қойылды
Көрнекті ғалым, тарихшы, түркітанушы Лев Николаевич Гумилевтің туғанына 112 жыл толуына орай университетте Гумилев атриумындағы бюстіне гүл шоқтары қойылды. Іс-шараға Қазақстан Республикасының Ғылым және жоғары білім министрі Саясат Нұрбек пен ЕҰУ ректоры Ерлан Сыдықов қатысты, сонымен қатар ПОҚ және студенттер.
Айта кетейік, 1 қазан күні көрнекті ғалым, тарихшы-этнолог, тарих және география ғылымдарының докторы, этногенездің пассионарлық теориясының негізін қалаушы Лев Николаевич Гумилевтің туғанына 112 жыл толды. 1996 жылы оның есімімен Еуразия ұлттық университеті аталды. 2002 жылы университет қабырғасында Л. Н. Гумилевтің кабинет-мұражайы құрылды.
ЕҰУ ректоры Ерлан Сыдықов атап өткендей, бүгін Л.Н.Гумилев туған күнімен қатар Қазақстанда алғаш рет жоғары білім қызметкерлері күні аталып өтілуде.
«Бүгін, 1 қазан көрнекті ғалым, түркітанушы, тарихшы, Л. Н. Гумилевтің туған күні, оның есімі біздің университетке берілген. Сондай-ақ бүгін Қазақстанда алғаш рет жоғары білім беру саласының қызметкерлері кәсіби мерекені ресми түрде атап өтуде. Екі жыл бұрын ҚР Президентінің шешімімен ғылым және жоғары білім министрлігі құрылып, оны жас әрі креативті саяси қайраткер, университетіміздің түлегі Саясат Нұрбек басқарды. Осы кезеңде ғылым және жоғары білім министрлігі Жоғары білім беруді дамытуға, білім беру қызметтерінің қолжетімділігін арттыруға және жас ғалымдарды қолдауға, сондай - ақ қазақстандық университеттердің халықаралық рейтингтердегі позицияларын нығайтуға бағытталған үлкен жұмыс атқарды», - деп атап өтті Ерлан Сыдықов.
Л.Н.Гумилевтің туғанына 112 жыл толуымен және жоғары білім қызметкерлерінің кәсіби мерекесімен ҚР Ғылым және жоғары білім министрі Саясат Нұрбек ЕҰУ профессор-оқытушылар құрамы мен студенттерін құттықтады.
«Қазақстанда алғаш рет Үкіметтің шешімімен кәсіби мереке - жоғары білім қызметкерлері күні атап өтілуде. Жоғары білім-бұл елдегі ғылым мен білімнің дамуына ықпал ететін негізгі қозғаушы күштердің бірі және сіздің кәсіби біліктілігіңіз қоғамның жарқын болашағын қалыптастыруда ерекше рөл атқарады. Бұл мереке біздің елімізде алғаш рет аталып өтілуде және осы айтулы күні біз әрқайсыңызға білім беру саласын дамытуға қосқан баға жетпес үлесіңіз үшін алғыс білдіреміз.
Өздеріңіз білетіндей, бүгінде жоғары білім беру саласына көп көңіл бөлінуде, айтарлықтай ресурстар қарастырылып, үлкен қолдау көрсетілуде», - деп атап өтті Саясат Нұрбек.
Сондай - ақ, ғылым министрлігінің басшысы ЕҰУ-да МГИМО-Мәскеу мемлекеттік Халықаралық қатынастар институтының филиалы ашу жоспарланып отырғанын және келесі жылы МГИМО филиалының алғашқы студенттері оқуға кірісе алады.
Айта кетейік, Қазақстанда 120 жоғары оқу орны жұмыс істейді, онда 37 400 профессор-оқытушылар құрамы жұмыс істейді. Оның 46,5% - ы ғылыми дәрежеге ие.
