ЭПиБ-12 тобы студенттерінің жалпықалалық сенбілікке қатысуы

Кең ауқымды экологиялық акция аясында «Таза Қазақстан. Астана – тазалық пен тәртіп үлгісі» және Дүниежүзілік тазалық күніне орай осы демалыс күндері, 21 қыркүйекте елордада жалпықалалық сенбілік өтті.

Сенбілік аясында қаланы қоқыстардан, саябақтар, алаңдар, аулалар, сондай-ақ сауда, қоғамдық тамақтандыру және басқа да ұйымдарға іргелес аумақтар тазартылды.

Ауқымды экологиялық науқан аясында 2 мыңнан астам жасыл желек отырғызылды.

Экоакцияның басты мақсаты – қала көшелеріндегі тазалықты сақтау және экологиялық мәдениетті қалыптастыру мәселелеріне қоғамның назарын аудару.

Л.Н.Гумилев атындағы ЕҰУ-дің басқа студенттерімен бірге бұл жалпықалалық маңызды шараға белсене атсалысқан ЭПиБ-12 тобының 1 курс студенттері де көшелер мен аулаларды абаттандыруға өз үлестерін қосты.