10 Студенттер үйінде Экономика факультетімен "16 Желтоқсан - Қазақстан Республикасының Тәуелсіздік күні" тақырыбына дөңгелек үстел ұйымдастырылды

14.12.2024 ж. 10 Студенттер үйінде Экономика факультетінің "Менеджмент" кафедрасының ұйымдастыруымен "16 Желтоқсан - Қазақстан Республикасының Тәуелсіздік күні" тақырыбына дөңгелек үстел өтті. Дөңгелек үстелдің басты қонағы, Желтоқсан оқиғасына қатысушысы, "Есеп және талдау" кафедрасының доценті, экономикалық ғылымдарының кандидаты - Қайранбеков Бауыржан Оқташұлы  білім алушыларға Желтоқсан оқиғасын баяндап, өз естеліктерімен бөлісті.

Желтоқсан оқиғасы – ұлт рухының биік белесі, Қайранбеков Бауыржан Оқташұлы бұл оқиғаның маңызын түсіндірді.

Желтоқсан оқиғасының ісі егжей-тегжейлі зерттеліп, шын бағасы беріліп, ұлттық тарихымыздан өзінің тиісті орнын алды.

«Менеджмент» кафедрасының меңгерушісі, PhD – Мухияева Динара Мұхтаржановна, Экономика факультетінің деканының студенттермен жұмыс жөніндегі орынбасары Тажибаева Жұмагүл Орашовна білім алушыларға 16 Желтоқсан - Қазақстан Республикасының Тәуелсіздік күні мерекесінің маңыздылығы туралы және бұл терең мағына мен тарихи мәнге толы еліміздің басты мемлекеттік мерекесі жайлы айтты.

6B04101  - "Менеджмент" білім беру бағдарламасының 3 курс студенттері мереке және басты қонақтың құрметіне шығармашылық нөмірлерімен өнер көрсетті. Пердебеков Талант «Желтоксан желі» әнің айтып, Амангелдиев Серікбол⁠ “Көк есектерге” Ахмет Байтұрсынұлының шығармасын оқып, Нұрасыл Айдарбек - «Алаш Аманаты» атты күй тартты.

Студенттер тақырыпқа қызығушылық танытып, белсенді қатысты, іс – шара жоғары деңгейде өтті.