ЕНУ ғалымдары Қазақстандағы мыс шаймалау мәселелері бойынша өз ұсыныстары мен әзірлемелерін ұсынды

Л.Н. Гумилев атындағы Еуразия ұлттық университетінің ғалымдары Қарағанды қаласында өткен Қазақстан Республикасы Ғылым және жоғары білім министрлігінің «Шаймалаудың заманауи әдістері және олардың Қазақстанның тау-кен металлургия кешенінде қолданылу перспективалары» атты ғылыми-технологиялық сессиясына қатысты.

Аталған тақырыпты талқылауға ЕҰУ өкілдері қатысты: профессор Жұмат Қаргин, сәулет-құрылыс факультетінің өнеркәсіптік және азаматтық құрылыс технологиясы кафедрасының меңгерушісі Лязат Аруова, жаратылыстану факультетінің химия кафедрасының меңгерушісі Эльдар Копишев, қауымдастырылған профессор Ақпан Киргизбаев, ENU-LAB зертханасының меңгерушісі Марат Конканов, сәулет-құрылыс факультетінің қауымдастырылған профессоры Лейла Жақсылықова және ғылыми қызметкер Айтолкын Уали.

«Қазақмыс» корпорациясы ғалымдарды мыс шаймалау бойынша ғылыми-өнеркәсіптік тәжірибелерді талқылауға шақырды. Іс-шараға 82 адам қатысты, олардың ішінде 47 ғалым, 20 өнеркәсіптік кәсіпорындардың сарапшылары және «Қазақмыс» корпорациясы ЖШС-нің 15 өкілі болды.

Сессия барысында қатысушылар келесі негізгі мәселелерді талқылады:

шаймалау саласындағы қазақстандық және халықаралық жетістіктер;

Қазақстанның тау-кен металлургия кешенінде шаймалау технологияларын дамыту перспективалары;

кәсіпорындарда шаймалау технологияларын қолдану тәжірибесі.

Хакатонға қатысушылар өздерінің ұсыныстары мен әзірлемелерін ұсынды, олар «Қазақмыс» корпорациясы кәсіпорындарында одан әрі енгізуге мүмкіндік береді.