ЕҰУ да Жасыл офис ашылды

Университетте тұрақты даму стратегиясы аясында жаңа экологиялық кеңістік — Жасыл офис салтанатты түрде ашылды. Жобаның басты мақсаты — студенттер, оқытушылар мен қызметкерлер арасында экологиялық өмір салты мәдениетін қалыптастыру, «жасыл» бастамаларды қолдау және қоршаған ортаға жауапкершілікпен қарауды дамыту.

Жасыл офис — университеттің экологиялық трансформациясындағы маңызды қадам болып табылады. Жоба жайлы, қауіпсіз және экологиялық жауапты білім беру ортасын қалыптастыруға бағытталған.

Жасыл офис жұмысының негізгі бағыттары:

• қалдықтарды бөлек жинау мәдениетін дамыту;
• қағаз бен пластикті тұтынуды азайту;
• кампус аумағын көгалдандыру;
• экологиялық акциялар, семинарлар мен оқыту бағдарламаларын ұйымдастыру.

«Жасыл офис — бұл жай ғана кеңістік емес, бұл — идеялар алаңы. Ол университеттегі күнделікті өмірді экологиялық және тұрақты бағытқа өзгерткісі келетін барлық жандарды біріктіреді. Біз бастамаларға ашықпыз және әрбір адамды жобаға қосылуға шақырамыз», — деп атап өтті Стратегиялық даму және интернационалдандыру жөніндегі проректор, Басқарма мүшесі Думан Айтмағанбетов.

Жасыл офис — студенттер, оқытушылар және экология мәселелеріне бейжай қарамайтындар үшін ашық әрі ынтымақтастық алаңы болады.

Байланыс үшін:

Форсайт және тұрақты даму орталығы
Телефон: (7172) 709-500, ішкі 31-350
Электрондық пошта: rakhimova_nr@enu.kz

Біз әрдайым серіктестікке және жаңа идеяларға ашықпыз!