ЕҰУ студенті Оңтүстік Кореяда академиялық ұтқырлық бойынша білім алды

ЕҰУ Көлік және энергетика факультетінің Стандарттау, сертификаттау және метрология кафедрасының 2 курс студенті Жаннур Аукенова Hankuk University of Foreign Studies Global Campus академиялық ұтқырлық бойынша оқуын аяқтады. Жаннурдың Оңтүстік Кореядағы оқуы 2023 жылдың ақпан айында басталған.

Студенттің айтуынша: «Оңтүстік Корея білім деңгейінің жоғарылығы мен заманауи оқу орындарының арқасында академиялық ұтқырлық үшін танымал ел. Көптеген халықаралық студенттер бұл елді білім, мәдениет, тіл және дамып келе жатқан салалар үшін таңдайды.

«Hankuk University of Foreign Studies Global Campus : HUFS Global Campus - Оңтүстік Кореядағы беделді университеттердің бірі болып табылады, оның шетел тілдеріне және мәдениетке ерекше назар аударуымен танымал.

Менің Оңтүстік Кореядағы академиялық ұтқырлық бойынша оқуым ұмытылмас және шабыттандыратын тәжірибе болды. Осы мүмкіндікті пайдаланып, ой-өрісімді кеңейтіп, жаңа мәдениет пен білім беру жүйесімен танысуды жөн көрдім», - деді ол.

Оңтүстік Кореяда Жаннурды таңғалдырған бірінші нәрсе білім деңгейінің жоғарылығы мен университеттердің академиялық беделі болды.

«Мен академиялық ұтқырлығым үшін Сеул университетін таңдадым және таңдауыма өкінген жоқпын. Мұғалімдер жоғары білікті және қарым-қатынасқа ашық болды. Мен өз мамандығым бойынша жетекші профессорлармен жұмыс істеп, оқытудың жаңа әдістерін үйренуге мүмкіндік алдым», - деп қосты ЕҰУ студенті.

Пәндердің сан алуандығы қызға тәнті болды, ол өз мамандығы бойынша курстарды таңдай алып, сонымен қатар жаңа пәндерді оқуға мүмкіндік алды.

«Мен корей мәдениеті мен өмір салтына толықтай үңілдім: корей тілін үйрендім және мәдени іс-шараларға қатыстым, ел араладым, мұражайларға, саябақтарға және басқа да көрікті жерлерге бардым, жергілікті тағамдардан дәм таттым және әртүрлі елдерден достар таптым.

«Өмір өте оқиғалы және қызықты болды. Мен жатақханада тұрғандықтан, онда басқа студенттермен араласуға және әртүрлі студенттік клубтарға қатысуға мүмкіндігім болды.

Жалпы, менің Оңтүстік Кореядағы уақытым ұмытылмас және жаңа мүмкіндіктерге толы болды. Сапалы білім алып, білімім мен біліктілігімді арттырдым, корей мәдениетіне қанық болдым, ұзақ мерзімді достық қарым-қатынас орнаттым. Мен барлық студенттерді Оңтүстік Кореядағы академиялық ұтқырлықты қарастыруға шақырамын, өйткені бұл сіздің өміріңіздегі ең құнды және қызықты тәжірибелердің бірі болуы мүмкін», - деді ол.