ЕҰУ-де медиасауаттылықты тілдік білімге интеграциялау бойынша біліктілікті арттыру курстары жалғасуда

2 маусымнан бастап Л.Н. Гумилев атындағы Еуразия ұлттық университетінің филология факультетінде «Медиасауаттылық пен цифрлық мәдениет призмасы арқылы тілдерді оқыту» тақырыбында біліктілікті арттыру курстары өтуде. Курстарды филология факультетінің орыс филологиясы кафедрасы ұйымдастыруда.

Курстың жетекшісі Перизат Елубаева, педагогика ғылымдарының кандидаты, әл-Фараби атындағы Қазақ ұлттық университетінің қауымдастырылған профессоры, «Қазақстан жастарының медиасауаттылығын қалыптастыру мақсатында тілдік және медиа білімді интеграциялау әдістемесі» тақырыбындағы ғылыми жобаның жетекшісі (ҚР ҒЖБМ),

«500 ғалым» халықаралық грантының иегері (АҚШ, 2024) және «ЖОО-ның үздік оқытушысы» (2016) атағының иегері.

Курс материалдары АҚШ-тың Сан-Диего қаласындағы Калифорния университетінде (University of California, San Diego) өткен халықаралық ғылыми тағылымдаманың нәтижесіне негізделген және цифрлық трансформация жағдайындағы тілдік білім беруге заманауи тәсілдерді енгізуге бағытталған.

Курс барысында келесі тақырыптар қарастырылады:

• медиамәтіндер мен визуалды контентті тіл үйретуге интеграциялау жолдары;
• XXI ғасырдың басты құзыреттерінің бірі ретінде медиасауаттылықты дамыту;
• академиялық, коммуникативтік және сыни ойлау қабілеттерін дамытуға арналған жасанды интеллект құралдарын (ChatGPT, Grammarly және т.б.) қолдану;
• цифрлық білім беру кеңістігінде мұғалімнің медиадәнекер ретіндегі рөлі.

Курс оқытушылардың кәсіби дамуына, цифрлық және әдістемелік құзыреттерін кеңейтуге, сондай-ақ жоғары білім беру саласындағы цифрлық индустрияландыру дәуіріндегі педагогиканы жетілдіруге ықпал етеді.