ЕҰУ мен GIZ халықаралық климаттық бағдарлама аясында офлайн-сессия өткізді

Л.Н. Гумилев атындағы Еуразия ұлттық университетінде халықаралық «Білім беру және климаттың өзгеруіне бейімделу» бағдарламасының офлайн-сессиясы өтті. Іс-шараны ұйымдастырушылар ретінде ЕНУ тұрақты даму орталығы мен Халықаралық ынтымақтастық жөніндегі Германия қоғамы (GIZ) атанды.

Сессия IKI жаһандық жобасы «Климаттық қорғау стратегиялары саласындағы саясат пен білімді басқару мәселелері жөніндегі диалог» (DIAPOL-CE) аясында өтті. Бұл жоба серіктес елдерді халықаралық деңгейде бекітілген тұрақты, климаттық және экологиялық қауіпсіз экономика құру тәсілдерін енгізуге қолдау көрсетуге бағытталған.

Қазақстанда DIAPOL-CE университеттерді, кәсіпорындарды және мемлекеттік органдарды климаттың өзгеруіне бейімделу бойынша пилоттық жобаларды әзірлеуге біріктіреді. Қыркүйек–қазан айларында Астана, Алматы және Қарағанды қалаларында онлайн және офлайн форматтарда семинарлар өтуде. Олардың мақсаты – әртүрлі секторлар арасындағы ынтымақтастықты дамыту, білім алмасу және бірлескен жобаларды жүзеге асыру.

Астанада негізгі тақырыптар ретінде қалалық жоспарлау, ауыл шаруашылығы және медициналық бейімделу аспектілері қаралды. Сарапшылар климаттық тәуекелдерді қалалар мен өңірлердің дамуына енгізу, азық-түлік қауіпсіздігі және халық денсаулығын қорғау мәселелерін талқылады.

Іс-шарада тұрақты даму жөніндегі консультант және фасилитатор Наталья Бачинская, фасилитатор-зерттеуші Юлия Дмитриева, сондай-ақ экология, урбанистика және денсаулық сақтау салаларының мамандары мен практиктері сөз сөйледі.

Іс-шаралар сериясы қорытындысы бойынша ұлттық климатқа бейімделу жоспарын жүзеге асыруға ықпал ететін алтыға дейін пилоттық жоба әзірленеді. Барлық материалдар университеттер, сарапшылар және ұйымдар арасында тәжірибе алмасу үшін жарияланады.

Бағдарлама аясындағы келесі сессиялар өтеді:

6 қазанда Қарағандыда (Экологиялық музей) - қалалық жоспарлау, құрылыс және өнеркәсіптегі бейімделу мәселелері талқыланады.

10 қазанда Алматыда (Satbayev University) - суға байланысты климаттық қауіптер, мұздықтардың еру қаупі және биоалуантүрлілікті сақтау мәселелері бойынша пікірталас болады.

16 қазанда онлайн форматта - оқытудың қорытындысы мен әрі қарайғы қадамдарға арналған соңғы кездесу.