ЕҰУ өкілдері VI Қазан халықаралық лингвистикалық саммитіне қатысты

2025 жылғы 20–24 қазан аралығында Қазан федералдық университеті базасында Татарстан Республикасы Ғылым академиясының, Білім беруді дамыту стратегиясы институтының, Ресей Федерациясы халықтарының ана тілдері федералдық институтының, Орыс тілі мен әдебиеті мұғалімдерінің халықаралық қауымдастығының (МАПРЯЛ) және басқа да жетекші ғылыми ұйымдардың қолдауымен VI Қазан халықаралық лингвистикалық саммиті өтті.

Саммит Қазан лингвистикалық мектебінің негізін қалаушы И.А. Бодуэн де Куртенэнің туғанына 180 жыл толуына, оның Қазан университетінде қызметін бастағанына 150 жыл толуына және Лев Толстой атындағы ҚФУ Орыс филологиясы мен мәдениетінің жоғары мектебінің 190 жылдығына арналды.

Саммит аясында бірқатар ғылыми және білім беру іс-шаралары өтті:

«ЛингвоЭкспо: шетел тілдері – 2025» фестивалі,

«Тілдік үрдістер мен әдістемелік инновациялар – 2025» лингвометодикалық фестивалі,

«Орыс тілі мен әдебиеті – ресейлік бірегейлікті және халықаралық интеграцияны қалыптастыру құралы ретінде» атты халықаралық форум,

сондай-ақ «Қазіргі лингвистиканың сын-тегеуріндері мен үрдістері» атты халықаралық ғылыми конференция өткізілді.

Бұл конференцияда жетекші ғалымдар қазіргі тіл білімінің даму бағыттарын талқылады.

Л.Н. Гумилев атындағы Еуразия ұлттық университеті, Қазан федералдық университетінің стратегиялық серіктесі ретінде, саммитте орыс филологиясы кафедрасының меңгерушісі, филология ғылымдарының докторы, профессор К.Р. Нұрғали, кафедра профессоры Ж.С. Бейсенова, сондай-ақ ҚФУ-да ғылыми тағылымдамадан өтіп жатқан 3-курс докторанты А.Б. Оразалина тарапынан ұсынылды.

ЕҰУ өкілдерінің қатысуы университеттер арасындағы ғылыми байланыстарды нығайтуға, тәжірибе алмасуға және тіл білімі мен филологиялық білім беру саласындағы жаңа үрдістерді талқылауға ықпал етті. Саммит Ресей, Қазақстан және басқа да елдердің зерттеушілері арасындағы тиімді диалог алаңына айналып, қазіргі тіл ғылымын дамытуда халықаралық ынтымақтастықтың маңыздылығын тағы бір мәрте растады.