ЕҰУ да Мұрат Әуезовтің мерейтойына арналған конференция өтті

Ұлттық академиялық кітапханада Мұрат Мұхтарұлы Әуезовтің 80 жылдығына арналған «Қазіргі замандағы ұлттық бірегейлікті сақтаудың өзекті мәселелері» атты халықаралық конференция өтті. Конференция аясында «Дәуірдің дара тұлғасы» атты көрме ашылды.

Ойшыл және философ-публицист, әдебиет сыншысы, эстетик, публицист, қоғам қайраткері, дипломат, әдеби және киноредактор Мұрат Әуезов кезекті мерейтойын әдебиет және мәдениет философиясы мәселелері бойынша 200-ден астам жарияланымның авторы ретінде қарсы алды. Конференцияға қатысушылар, мерейтой иесінің студенттік кезден келе жатқан достары «Жас тұлпар» қозғалысының тарихы туралы естеліктерімен бөлісті, талқылау тақырыбы М.Әуезовтің қазақ халқының мәдениетіне, өркениетіне, көшпелі мәдениетіне, ауызша мұрасына арналған «Уақыт байланыстырушы жіп», «Үш кеңесші», «Ділім» кітаптары болды. Баяндамашылар «Қазақстан» мемлекеттік телеарнасында мерейтой иесінің жұмысын, «Рух-Мирас» мәдени альманахын құруды, Қазақстанның Қытайдағы тұңғыш елшісі және «Қазақфильм» киностудиясының бас редакторы лауазымындағы жұмысын атап өтті. Зерттеу жұмыстарының қызықты тереңдігі, атқарылған жұмыстың маңыздылығы атап өтілді. Хиуа мен Бұхараға кіре кетіп Алакөлден Арал теңізіне дейінгі экспедиция туралы «Осьтік уақыт саяхатшысы» фильмі ерекше назар аударды. Конференцияның негізгі камертоны М. Әуезов өмір бойы қызмет еткен негізгі іс ретінде бейбітшілік пен рухани келісім туралы, қазақ зиялыларының жарқын өкілдерінің бірі ХХ ғасырдың 30-жылдарындағы ұлттық зиялы қауым идеяларының ұрпағы және жалғастырушысы болып табылатындығы туралы ой болды.

Конференцияға көрнекті қоғам және саяси қайраткерлер: Қуаныш Сұлтанов, ҚР Қытай Халық Республикасындағы Елшілігінің өкілдері, жазушылар Бақытжан Қанапьянов, Амангелді Кеңшілікұлы, Қазақстанның белгілі ғалымдары: Семби М., Қадыржанов К., Ысмақова А. С., Наурызбаева З., Ананьева С. В. қатысты.

Ресей Федерациясынан көптеген қатысушылар келді: Пряхин Г.В., жазушы, журналист, «Көркем әдебиет» баспасының бас редакторы, Сидоров Е.Ю., әдебиеттанушы, мәдениеттану ғылымдарының докторы Г. Карина, филология ғылымдарының кандидаты, доцент, П. Лумумба атындағы Ресей халықтар достығы университетінің кафедра меңгерушісі (Ресей) Моклецова И.В., М.В. Ломоносов атындағы ММУ профессоры., М. М. Полехина, МГИМО профессоры, Андреева В.В., «Тілді зерттеу және заманауи гуманитарлық білім» журналының редакторы (А. Герцен атындағы Санкт-Петербург мемлекеттік педагогикалық университетінің Шет тілдері институты.). Мерейтой иесінің туыстары: белгілі шығыстанушы Әуезова Зифа Мұратқызы (Нидерланды), Қонаев Дияр, Жандосова Жанар көрермендерді жылы қарсы алды. ЕҰУ өкілдері ‒ профессор Ищанова А.К. (журналистика факультеті), профессор К. Б. Оразаева (филология факультеті) баяндама жасады.