ЕҰУ-да Қазақстанның жетекші IT-компаниялары қатысқан ауқымды хакатон өтті

Л.Н. Гумилев атындағы Еуразия ұлттық университетінде мансаптық хакатон өтті. Оған елдегі ондаған ірі IT-жұмыс берушілер, ондаған нақты кейстер және жүздеген дарынды студенттер қатысты. Бұл іс-шара студенттерге қазақстандық IT-саласының көшбасшыларында өндірістік тәжіибеден өту және жұмысқа орналасу үшін төте жол болды.

Іс-шараны «Математикалық және компьютерлік модельдеу»,  «Ақпараттық жүйелер» кафедрасы «Карьера және бизнес-серіктестік» бөлімінің қолдауымен ұйымдастырды.

Хакатонның серіктестері саланың көшбасшылары болды: КМГинжиниринг, Атырау TexИнвест, ERG, EPAM Systems-ADNOC, «НИИТ» АҚ, PROPER SOLUTIONS, Транстелеком, DevTops және басқалар. Компания өкілдері болашақ мамандардың әлеуетін өздері бағалады.

Іс-шара барысында студенттер Қазақстанның жетекші IT-компанияларының өкілдері қойған қолданбалы тапсырмаларды орындады: Базарбеков Талғатек (KMGinzhiniring), Сейілханов Махмуд (Atyrau TechInvest), Уахитов Алмат (ERG), Дәулетхан Әділ (EPAM Systems-ADNOC), Жүсіпов Исламбек (NIIT CJSC), Муртазин Олжас және Сабырбаев Дулат (PROPER SLUTIONS), Калини Виталий және Маханов Ержан (Transtelecom), Көшкінбаев Тимур (DevTops), Бейсенов Мұхтар (EPAM Systems).

Хакатонның негізгі мақсаты — талантты қатысушыларды тәжірибеден өтуге және болашақта жұмысқа орналасу мүмкіндігімен тағылымдамаға іріктеу. Бұл формат жұмыс берушілерге студенттердің нақты дағдыларын және кәсіби әлеуетін әділ бағалауға мүмкіндік берді.

Л.Н. Гумилев атындағы Еуразиялық ұлттық университеті және С. Сейфуллин атындағы Қазақ агротехникалық зерттеу университетінің студенттері компаниялардың веб-әзірлеу, деректерді талдау және бағдарламалық инженерия саласындағы жобалары бойынша практикалық тапсырмаларды орындады. Олардың ішінен үздіктері тағылымдамаға таңдап алынды.

Хакатон біздің түлектерге деген сұраныстың жоғары екенін дәлелдеп, Қазақстанның ірі IT-компаниялары қатарынан рекордтық серіктестерді жинады.

Іс-шара қорытындысы бойынша жеңімпаздар мен жүлдегерлер қаржылай сыйақылар мен жүлделерді ғана емес, сондай-ақ тағылымдамадан өту және жұмысқа орналасу туралы нақты ұсыныстар алды.

Барлық қатысушылар үшін басты нәтиже – одан әрі кәсіби өсуге деген тұрақты қызығушылық және елдің жетекші компанияларында сұранысқа ие болу үшін білім деңгейін арттыруға деген саналы ұмтылыс болды.