ЕҰУ-да педагогтердің білімін бағалау (ПББ) мәселесі талқыланды

Л.Н. Гумилев атындағы Еуразия ұлттық университетінде педагогтердің білімін бағалау (ПББ) бойынша кафедра меңгерушілерімен жиналыс өтті.

Жиналысты Карьера және бизнес – әріптестігі бөлімінің басшысы Г. Смагұлова жүргізді. Күн тәртібінде:

• педагогтердің білімін түлектер тарапынан бағалау нәтижелері;
• 2025-2026 жылғы бітіруші түлектерге ПББ бойынша қосымша сабақтар жүргізу және кестесін жасау;
• кафедра мәжілістерінде тест тапсырмаларының мазмұнын қарастыру;
• білім алушылар арасында ПББ-ның маңыздылығы туралы түсіндіру жұмыстарын жүргізу және кездесулер кестесін бекіту;
• базалық бейіндік пәндер бойынша тестілеуге арналған мәліметтер қорын құру;
• сондай-ақ Ұлттық тестілеу орталығы (ҰТО) сайтында соңғы курс білім алушылары үшін сынақ тестілеуін өткізу мәселелері қаралды.

Жиналыс барысында педагогтердің білімін бағалау жүйесін жетілдіру, студенттердің ПББ тестілеуіне сапалы дайындалуын қамтамасыз ету, сондай-ақ кафедралар арасындағы үйлестіру жұмыстарын нығайту бағытында нақты ұсыныстар мен шешімдер қабылданды.

Жиын қорытындысы бойынша жауапты тұлғаларға ПББ бойынша түсіндіру жұмыстарын жүргізу кестесін әзірлеу тапсырылды.