ЕҰУ-де Қазақстанның әлеуметтік қызметкерлерін оқытудың екінші ағымы аяқталды

2025 жылғы 15–20 желтоқсан аралығында Л.Н. Гумилев атындағы Еуразия ұлттық университетінің базасында әлеуметтік қызметкерлерге арналған  ауқымды біліктілікті арттыру курсының екінші ағымы сәтті өтті. Бағдарлама Қазақстан Республикасы Еңбек және халықты әлеуметтік қорғау министрлігінің тапсырысы бойынша Үздіксіз білім беру институты тарапынан жүзеге асырылды.

Оқытуға өңірлік департаменттердің, әлеуметтік бейімдеу орталықтарының және халықтың осал санаттарын қолдау қызметтерінің өкілдерін қоса алғанда, 120-дан астам әлеуметтік қызметкер қатысты.

Оқытуды әлеуметтану кафедрасының аға оқытушылары Аяжан Куатова және Жұлдыз Сембина жүргізді. Екінші лек аясында Қазақстанның қазіргі әлеуметтік қорғау жүйесіне өзекті кейстерді пайдалана отырып, практикалық бағыттағы оқытуға ерекше көңіл бөлінді.

Оқыту барысында қатысушылар әлеуметтік қызметкерлердің кәсіби этикасы, ведомствоаралық өзара іс-қимыл тетіктері, халықты әлеуметтік қолдаудың заманауи модельдері, сондай-ақ Қазақстан Республикасындағы әлеуметтік саясатты дамытудың басым бағыттары мәселелерін қарастырды.

Курс қорытындысы бойынша тыңдаушылар теориялық білімдерін жүйелеп қана қоймай, әлеуметтік жұмыстың нормативтік-құқықтық базасы жөніндегі білімдерін жаңартты, сондай-ақ қажеттіліктерді бағалау, кейс-менеджмент және отбасыларды кәсіби кеңес беру құралдарын меңгерді.

Оқытудың екінші легінің өткізілуі Л.Н. Гумилев атындағы ЕҰУ Үздіксіз білім беру институты бағдарламаларының сұранысқа ие екенін және олардың Қазақстандағы әлеуметтік қызметкерлердің кәсіби әлеуетін, сондай-ақ үздіксіз білім беру жүйесін дамытудағы маңызын растады.