ММФ ғылыми семинары: шақырылған профессор Serge A. Lawrence баяндамасы

2026 жылғы 16 ақпанда сағат 16:00–18:00 аралығында ММФ (ЦИСИ), 305-аудиторияда ғылыми семинар өтті. Семинарда шақырылған профессор Serge A. Lawrence баяндама жасады.

Баяндама тақырыбы:
“What does tell us the action of the automorphism group of a graph on the set of triangulations of a given surface with this graph?”

Баяндамада берілген графтың автоморфизмдер тобының осы граф арқылы берілген беттің триангуляциялары жиынындағы әрекеті зерттелді. Pólya's Enumeration Theorem (Пóлья–Редфилд теоремасы) қолдану арқылы топтық әрекеттен мұндай триангуляциялардың нақты санын ғана емес, сонымен қатар төбелері таңбаланған барлық триангуляцияларды айқын түрде жазып шығуға болатыны көрсетілді.

Баяндамада ерекше назар K_{2,2,2,2} толық 4-бөлікті графына аударылды. Тормен берілген осы графтың барлық он екі триангуляциясын айқын түрде құру тәсілі көрсетілді. Аталған граф төртөлшемді гипероктаэдрдің графы болып табылатыны және алгебралық тұрғыдан оны кватерниондар тобының Q_8 Кэли графы ретінде қарастыруға болатыны атап өтілді. Бұл интерпретация алгебра, комбинаторика және топология арасындағы терең байланыстарды ашуға мүмкіндік береді.

Баяндама барысында геометриялық құрамдас бөлік нақты мысалдар арқылы көрнекі түрде көрсетіліп, семинар қатысушылары тарапынан мазмұнды ғылыми пікірталас өрбіді. Семинар факультеттің ғылыми өміріндегі маңызды академиялық іс-шаралардың бірі болды.