Дене шынықтыру және спорттағы ғылым: теориядан тәжірибеге

2026 жылғы 6 сәуірде Университеттің 30 жылдығын мерекелеу және ғылым декадасы аясында бас ғимараттың 230-аудиториясында «Дене шынықтыру және спорт» білім беру бағдарламасының студенттеріне арналған «Дене шынықтыру мен спорттағы ғылым: теориядан тәжірибеге» тақырыбында ғылыми-практикалық семинар өтті.
Іс-шараны Жоғары білім беру мектебі мен дене шынықтыру және спорт кафедрасы ұйымдастырды.
           Семинардың модераторы әрі жүргізушісі Маратова Диана Юрьевна болды.
Семинарға 20 студент қатысып, жоғары қызығушылық пен белсенділік танытты.
           Іс-шара қатысушыларды қарсы алумен және кәсіби қызметтегі теория мен тәжірибенің арақатынасы туралы пікірталастық сұрақ қоюмен басталды.
           Қысқаша дәріс барысында жаттығу процесіндегі ғылыми тәсілдің негізгі аспектілері ашылып, сондай-ақ шамадан тыс жүктеме сияқты типтік қателіктер қарастырылды.
           Семинардың негізгі бөлігінде студенттер топтарға бөлініп, спортшының нәтижесінің төмендеу себептерін талдап, оны шешу жолдарын ұсынды.
           Практикалық бөлімде студенттер дене жаттығуларын орындап, жүрек соғу жиілігінің өзгерісін және физикалық жүктеменің ағзаға әсерін талдады.
          Пікірталас барысында қатысушылар ғылыми негізсіз тиімді жаттықтырушы болу мүмкіндігі туралы мәселені әртүрлі көзқарас тұрғысынан талқылады.
          Семинар қорытындысы бойынша студенттер оның өзектілігін, практикалық маңыздылығын және болашақ кәсіби қызметте қолдану мүмкіндігін атап өтті.