Жұмыс берушілер «Бос жұмыс орындар жәрмеңкесі – 2023» ЕҰУ студенттеріне 1 мыңнан астам бос жұмыс орнын ұсынды

Л. Н. Гумилев атындағы Еуразия ұлттық университетінде Бос жұмыс орындар жәрмеңкесі өтті, карьера және бизнес- әріптестік бөлімі ұйымдастырған. Бос жұмыс орындар жәрмеңкесінің негізгі мақсаты -университет түлектерін өңірдегі және жалпы республика бойынша ұйымдар мен кәсіпорындарда жұмысқа орналастыруға жәрдемдесу.

Бос жұмыс орындар жәрмеңкесі – университет түлектері үшін қолайлы жұмыс табудың бірегей мүмкіндігі, ал жұмыс берушілер үшін өз ұйымы үшін кәсіби кадрларды іздеу.

Іс-шараға Астана қаласының еңбек ұтқырлығы орталығы, Астана қаласы әкімдігінің жастар саясаты мәселелері басқармасы, Астана қаласы әкімдігінің «Астана жастары» ЖРО, Ұлттық ақпараттық технологиялар, «Қазгидромет», Қазақстан Республикасының Сот әкімшілігі департаменті, «Талдау және ақпарат орталығы», Мемлекеттік қызмет персоналын басқару жөніндегі ұлттық орталық, Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Астана қаласы бойынша департаменті, AirAstana, Қазақстан Республикасы Мемлекеттік қызмет істері агенттігінің Астана қаласы бойынша департаменті, «SOS Астана Балалар ауылы», Қазақстандық тұрғын үй компаниясы, «Риксос Бурабай» қонақ үйі, Банк ЦентрКредит, ЖШС «Пулково Қазақстан», «ABAI TV» телеарнасы, «BI Group» холдингі, Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Астана қаласы бойынша Департаменті, «KazAeroSpace»  және т. б. ірі ұйымдар мен компаниялар қатысты.

Академиялық мәселелер жөніндегі департамент директоры Байжұман Қашқынбай, Астана қаласы бойынша Техникалық реттеу және метрология Комитетінің Департамент басшысы Рүстем Айменов құттықтау сөз сөйледі.

Жәрмеңкеге 100-ден астам жұмыс берушілер, 2000-нан астам студенттер мен жастар қатысты.  Жұмыс берушілер 1000-нан астам бос жұмыс орындарын ұсынды.

Л. Н. Гумилева атындағы Еуразия ұлттық университеті түлектерінің жұмысқа орналасу көрсеткіштері 81 пайыздан астамды құрайды, оның ішінде мемлекеттік тапсырыс бойынша - 84 пайыз, ЖОО-ның профессор-оқытушылар құрамымен даярлайтын серіктес-жұмыс берушілердің арқасында тығыз ынтымақтастықта еліміз үшін сапалы кадрлар дайындайды.

2023–2024 оқу жылында күтілетін түлектер саны - 4779, оның ішінде бакалавриат - 3211, магистратура - 1314, докторантура - 254.