ЕҰУ Times Higher Education қолдауымен даму стратегиясын күшейтуде

«ENU: NEW STRATEGY» стратегиялық сессиясы аясында Times Higher Education компаниясының халықаралық консультантының қатысуымен стратегиялық воркшоп өтті.

Іс-шараның мақсаты - Times Higher Education World University Rankings (WUR) халықаралық рейтингі көрсеткіштері негізінде университеттің ағымдағы жағдайын бағалау, сондай-ақ оның дамуының негізгі бағыттары бойынша ұсыныстар әзірлеу үшін сараптамалық пікірлер мен аналитикалық деректерді жинау болды.

Воркшоп жұмысына университеттің негізгі мақсатты топтарының өкілдері қатысты: басқарушы құрам (проректорлар, департамент директорлары және құрылымдық бөлімшелердің басшылары), профессорлық-оқытушылық құрам мен ғылыми қауымдастық, сондай-ақ құрылымдық бөлімшелердің қызметкерлері.

Воркшоп барысында THE консультанты Эмми Роуз университеттің WUR рейтингіндегі позицияларына талдау жасап, олардың қалыптасуына әсер ететін негізгі факторларды ашып көрсетті және референттік университеттермен салыстырмалы талдау жүргізді. Рейтинг әдіснамасын, көрсеткіштер құрылымын және деректер көздерін түсіндіруге ерекше назар аударылды.

Воркшоптың негізгі элементі фокус-топтарды өткізу болды, олардың аясында университеттің бәсекелестік артықшылықтарын айқындауға және оның дамуының басым бағыттарын анықтауға бағытталған сараптамалық пікірлер жинақталды.

Воркшопты дайындау және өткізу ЕҰУ-дың жаңа Даму стратегиясын әзірлеу аясында Стратегиялық даму департаментімен қамтамасыз етілді.

Анықтама: Times Higher Education - жоғары білім беру саласындағы талдау және жаһандық рейтингтерді қалыптастыру бойынша жетекші халықаралық ұйымдардың бірі. THE әдіснамалары университеттердің бәсекеге қабілеттілігін бағалау және стратегиялық басқаруды жетілдіру мақсатында кеңінен қолданылады.