Журналистика және әлеуметтік ғылымдар жоғарғы мектебінің докторанттары мен магистранттары Ростов-на-Донудағы халықаралық конференцияда

2026 жылы 5-6 мамырда Ростов мемлекеттік экономикалық университеті (РИНХ/ХШРИ) Лингвистика және журналистика факультетінің 25 жылдығына арналған Ростов-на-Донуда «Қазіргі әлемдегі журналистика» атты VIII Халықаралық ғылыми-тәжірибелік конференция өтті. Іс-шара Ресей, Қытай, Үндістан, Беларусь, Қазақстан, Грузия және басқа елдерден келген зерттеушілерді, тәжірибелі журналистерді және студенттерді топтастырды. Л.Н. Гумилев атындағы Еуразия ұлттық университетінің өкілдері онлайн форматтағы конференцияға қатысты. Университет барлық ғылыми диалог деңгейлерінде лайықты түрде таныстырылды. Медиакоммуникация және қоғаммен байланыс кафедрасының профессоры Серік Тахан конференцияның бағдарламалық комитетінің құрамына кіріп, салтанатты ашылуында құттықтау сөз сөйледі, жас зерттеушілердің ғылыми жетекшісі ретінде бірнеше секция жұмысына белсенді қатысты. Пленарлық отырыста ЕҰУ докторанты Айгерім Жауханова ғылыми жетекшісі С.Ш. Таханмен бірлесіп дайындаған «Жаңа медиа жүйесіндегі жасанды интеллект: PR қызметінің трансформациясы және кәсіби талаптар» тақырыбындағы баяндамасымен таныстырды. Баяндама аудиторияның қызығушылығын тудырды және конференциядағы айқын баяндамалардың бірі болды. Докторант Ақтоты Елтай «Қазақстандағы медициналық журналистиканың даму перспективаларын» ашып көрсетті, тақырып секция қатысушылары арасында кең талқылауға себеп болды. Магистрант Сауле Досмухамбетова өзінің зерттеу нәтижелерін ұсынып, цифрлық коммуникациялардың HR-брендті қалыптастырудағы рөлін анықтаумен байланыстырды. Медиа коммуникация және қоғаммен байланыс кафедрасының түлегі, әлеуметтік ғылымдар магистрі Сания Закирова бірден екі секцияда сөз сөйлеп, Журналистика мен PR-дің медиа шындықты құрудағы өзара әрекеттестігі туралы зерттеулерді, сондай-ақ осы тәжірибелер қоғамның медиа сауаттылығына әсері туралы баяндады. Магистрант Ляйля Абдималикова әлеуметтік желілер журналистік контенттің баламалы платформасы ретіндегі зерттеуімен делегацияның баяндамаларын лайықты аяқтады.

ЕҰУ докторанттары мен магистранттарының «Қазіргі әлемдегі журналистика» тақырыбындағы VIII Халықаралық ғылыми-тәжірибелік конференцияға (РИНХ/ХШРИ – Ростов-на-Дону) сәтті қатысуы Л.Н.Гумилев атындағы ЕҰУ университетінің Ресейлік жетекші университеттерімен академиялық байланыстарын дамытуда маңызды қадам болып табылады және медиақатынастар саласындағы университеттің ғылыми мектепбінің беделін растайды.