ЕҰУ-дын 30 жылдығына орай Florida Atlantic University студенттері ЕҰУ туын көтерді

Л.Н. Гумилев атындағы Еуразия ұлттық университетінің 30 жылдық мерейтойы тек еліміздің академиялық қауымдастығы үшін ғана емес, халықаралық білім беру кеңістігі үшін де маңызды оқиғаға айналды.

Қазақстан Тәуелсіздігінің алғашқы жылдарында негізі қаланған университет үш онжылдық ішінде еліміздің жетекші ғылыми-білім беру орталықтарының біріне айналып, мемлекеттің интеллектуалдық әлеуетін қалыптастыруда маңызды рөл атқарып келеді. Бүгінде ЕҰУ түлектері ғылым, мемлекеттік басқару, білім беру және халықаралық ұйымдар саласында табысты еңбек етіп, Қазақстан мен әлемдік қауымдастықтың дамуына өз үлестерін қосуда.

Соңғы жылдары университет халықаралық ынтымақтастықты жүйелі түрде нығайтып келеді. Германия, Франция, Польша, Чехия, Италия, Оңтүстік Корея, Қытай, Түркия және АҚШ-тың жетекші жоғары оқу орындарымен серіктестік байланыстар ЕҰУ-дың халықаралық білім беру кеңістігіндегі беделі мен ықпалының артып келе жатқанын айқын көрсетеді.

Заманауи университет инновациялық білім беру бағдарламаларын белсенді түрде енгізіп, ғылыми зерттеулерді дамытып, ғылым мен өндіріс арасындағы байланысты күшейтуде. ЕҰУ ғалымдарының көптеген жобалары бүгінде нақты секторда қолданылып, ел игілігіне қызмет етуде.

Университеттің басты құндылығы - оның адамдары: оқытушылар, ғалымдар, қызметкерлер мен студенттер. Дәл осы олардың кәсібилігі, білімге деген ұмтылысы мен ғылыми ізденісі ЕҰУ-дың бірегей академиялық ортасын қалыптастырады.

Мерейтойдың ерекше символына Майами қаласында өткен халықаралық шара айналды. Арнайы сапар барысында Florida Atlantic University студенттерімен бірге университеттің 30 жылдығына орай ЕҰУ туы көтерілді.

Бұл сәт жай ғана мерекелік шара емес, қазақстандық білімнің халықаралық деңгейде мойындалуының айқын белгісі болды.

Университеттің дамуына ЕҰУ ректоры, академик Ерлан Сыдықов айрықша үлес қосып келеді. Оның стратегиялық көзқарасының арқасында университет жаңа жетістіктерге сенімді қадам басып, әлемдік білім мен ғылым кеңістігіндегі өз орнын нығайтуда.

ЕҰУ-дың 30 жылдық мерейтойы құтты болсын! Университетке жаңа ғылыми жетістіктер, халықаралық табыстар және одан әрі өркендеу тілейміз!