Профориентациялық кездесу Астана қаласындағы №109 жалпы білім беретін мектепте

2026 жылғы 20 мамырда педагогика ғылымдарының кандидаты, Л.Н. Гумилев атындағы Еуразия ұлттық университеті педагогика кафедрасының қауымдастырылған профессоры (доцент) Темиров Қуаныш Өмірзақұлы Астана қаласындағы №109 жалпы білім беретін мектепте кәсіптік бағдар беру жұмысына жауапты Садуова Айсұлу Тұрсынқызымен профориентациялық кездесу өткізді.

Кездесу барысында оқушылардың кәсіби өзін-өзі анықтау мәселелері, Л.Н. Гумилев атындағы Еуразия ұлттық университеті білім беру бағдарламаларының ерекшеліктері, сондай-ақ мектеп пен университет арасындағы ынтымақтастықтың болашақ перспективалары қарастырылды.

Әсіресе жоғары білім алу мүмкіндіктері, заманауи мамандарды даярлау талаптары және оқушылардың болашақ мамандықты саналы түрде таңдауының маңызына ерекше назар аударылды.

Мұндай кездесулер Л.Н. Гумилев атындағы Еуразия ұлттық университеті мен №109 жалпы білім беретін мектеп арасындағы өзара байланысты нығайтуға, сондай-ақ оқушылардың кәсіби бағдар бойынша ақпараттану деңгейін арттыруға ықпал етеді.