ЕҰУ химия кафедрасының қызметкерлері Қазақстан Республикасы Өнеркәсіп және құрылыс министрлігінің марапаттарына ие болды

2026 жылғы 2 маусымда Л.Н. Гумилёв атындағы Еуразия ұлттық университеті Жаратылыстану ғылымдары институтының химия кафедрасының отырысында Қазақстан Республикасы Өнеркәсіп және құрылыс министрлігінің ведомстволық марапаттарын тапсыру рәсімі өтті. Марапаттар Химия өнеркәсібі қызметкерлерінің күніне орай Министрдің 2026 жылғы 14 мамырдағы № 39 бұйрығымен берілді.

«Химия өнеркәсібінің үздік қызметкері» төсбелгісімен:

– Көпішев Эльдар Ертайұлы – х.ғ.к., профессор, химия кафедрасының меңгерушісі;
– Машан Тоғжан Тұрғалиқызы – х.ғ.к., профессор;
– Сейтенова Ғайни Жұмағалиқызы – х.ғ.к., профессор, зерттеуші;
– Күсепова Ләззат Аманжолқызы – х.ғ.к., доцент;
– Жұмабаева Гүлстан Қаршығақызы – аға оқытушы;
– Сафаров Руслан Заирұлы – х.ғ.к., оқытушы-зерттеуші марапатталды.

Министрліктің саланың дамуына қосқан елеулі үлесі үшін Құрмет грамотасымен:

– Дюсова Ризагүл Мүслімқызы – PhD, аға оқытушы;
– Әпендіна Айнагүл Кеңесқызы – х.ғ.к., аға оқытушы;
– Донбаева Эльвира Қалдыбекқызы – х.ғ.к., аға оқытушы;
– Толымбекова Ләззат Байғабылқызы – PhD, аға оқытушы марапатталды.

Ведомстволық марапаттардың берілуі кафедра қызметкерлерінің отандық химия ғылымының дамуына және Қазақстан Республикасының химия өнеркәсібіне білікті мамандар даярлауға қосқан кәсіби үлесінің танылуын көрсетеді. Марапатталғандардың көпжылдық ғылыми-педагогикалық қызметі ЕҰУ химия мектебінің сабақтастығы мен практикалық бағдарланған даярлау бағыттарының дамуын қамтамасыз ететін ғылыми және білім беру жобаларын жүзеге асырумен тығыз байланысты.

Жаратылыстану ғылымдары институтының ұжымы әріптестерін лайықты марапатпен құттықтап, ғылыми және педагогикалық қызметінде табыс тілейді!