ЕҰУ-дың Қазақстан тарихы кафедрасындағы академиялық ұтқырлық бағдарламасы: Қытай, Қырғызстан және Ресейден келген білім алушылар 2025–2026 оқу жылының күзгі семестрінде білім алуда

Л.Н. Гумилев атындағы Еуразия ұлттық университеті Тарих факультетінің Қазақстан тарихы кафедрасы білім алушылардың академиялық ұтқырлығы бағдарламасы аясында халықаралық ынтымақтастықты белсенді түрде дамытуды жалғастыруда.

2025–2026 оқу жылының күзгі семестрінде кафедраның білім беру үдерісіне жетекші шетелдік жоғары оқу орындарынан келген студенттер мен жас зерттеушілер қосылды. 2025 жылғы 27 тамыздағы №31277-с, 2025 жылғы 25 қыркүйектегі №1528-с, 2025 жылғы 15 қазандағы №1671 бұйрықтарының негізінде 6В02203 – Тарих, 7М02203 – Тарих, 8D02203 – Тарих білім беру бағдарламалары бойынша студенттер мен зерттеушілер білім алуда.

Ағымдағы семестрде кафедрада: – Аширова Зарина мен Турдубатова Мерим - Ош университетінің студенттері (Қырғызстан); – Жақыпов Асан - М.В. Ломоносов атындағы Мәскеу мемлекеттік университетінің магистранты (Ресей); – Гаюй Сюе - Шанхай университетінің докторанты (Қытай) білім алуда. Шетелдік білім алушылар оқу сабақтарына, зерттеу семинарларына және кафедраның ғылыми жобаларына белсенді қатысып, көпмәдениетті академиялық ортаның дамуына елеулі үлес қосуда.

Олардың академиялық белсенділігі білім беру бағдарламаларының халықаралық құрамдас бөлігін күшейтіп, ЕҰУ-дың шетелдік университеттермен ғылыми байланыстарын нығайтуға ықпал етеді.

Қазақстан тарихы кафедрасындағы академиялық ұтқырлық бағдарламасы студенттердің кәсіби дамуына, тәжірибе алмасуына және бірлескен ғылыми бастамаларды жүзеге асыруға жаңа мүмкіндіктер ашатын университетті интернационалдандыру стратегиясының маңызды бөлігі болып табылады.