Оқу-әдістемелік құралды әзірлеу» атты ғылыми-әдістемелік семинар

2026 жылғы 19 маусымда Халықаралық қатынастар факультетінің шет тілдері кафедрасының аға оқытушысы Ергалиева К.О.  «Оқу-әдістемелік құралды әзірлеу» атты ғылыми-әдістемелік семинар өткізді. Болашақта табысты әрі келешегі  бар студенттерді даярлау жоғары білім берудің өзекті мәселелерінің бірі болып табылады. Жоғары оқу орындарының түлектеріне жұмыс берушілер тарапынан қойылатын талаптар жоғары: шет тілін жақсы меңгеру. Сондықтан шет тілі қоғамның зияткерлік әлеуетін қалыптастырудың құралына айналады. Ергалиева К.О. шет тілін оқытуда оның бастапқы кезеңінің маңыздылығын атап өтті, бұл кезеңде сөйлеу әрекеті дағдыларын қалыптастырудың негізі қаланады. Бұл мәселені шешу үшін заманауи оқу-әдістемелік әдебиеттерді жасау қажет. Осындай оқу-әдістемелік құралдардың бірі – Л.Н. Гумилев атындағы Еуразия ұлттық университетінде 2024 жылы жарияланған «Француз тілі тілдік емес мамандықтарға арналған» оқулығы. Ол үш бөліктен тұрады: кіріспе курс, негізгі курс және оқытушыларға арналған қосымша (аудио және бейнежазбалардың транскрипциясымен). Семинар барысында мынадай мәселелер қарастырылды: тілдік емес мамандықтарға арналған ғылыми-әдістемелік әдебиетке қойылатын талаптар, мәдениетаралық құзыреттілікті қалыптастыру, онлайн ойындар мен инновациялық технологияларды қолдану, аутентті материалдарды пайдалану, мәтінмен жұмыс кезеңдері, білім алушылардың өзіндік жұмысы, кіріспе және негізгі курстардың құрылымы. Ергалиева К.О. оқу-әдістемелік құралды әзірлеу жолдары туралы жан-жақты айтып, өз құралынан мысалдар келтірді. Сондай-ақ Wordwall, Padlet және Prezi платформаларындағы авторлық әдістемелік әзірлемелерін көрсетті. Ғылыми-әдістемелік семинарға кафедраның профессорлық-оқытушылық құрамы және ХҚФ деканатының өкілі, студенттермен жұмыс жөніндегі декан орынбасары Кусаинова Р.Е. қатысты.