ЕҰУ-дағы халықаралық конференцияға 11 елдің филологтары қатысты

Л.Н. Гумилев атындағы Еуразия ұлттық университеті «Орыс тілі мен әдебиетін оқыту жүйесіндегі мәтін» атты XIV Халықаралық ғылыми-практикалық конференциясының қатысушыларын қарсы алды. Ауқымды академиялық форумды ұйымдастырушылар – теориялық және қолданбалы лингвистика кафедрасымен бірлескен Санкт-Петербургтегі Ұлы Петр политехникалық университетінің Гуманитарлық институты және Л.Н. Толстой атындағы Тула мемлекеттік педагогикалық университеті.

Аралас форматта өткен ғылыми сессия 150-ден астам зерттеушілерді жинады. Қатысушылардың географиясы кеңінен болып, қазақстандық ғалымдарға Ресей, Қытай, Польша, Словакия, Беларусь, сондай-ақ Әзірбайжан, Өзбекістан, Қырғызстан, Тәжікістан және Түрікменстаннан әріптестер қосылды. Салтанатты ашылу және пленарлық отырыс талқылауларға ерекше серпін танытты. Пленарлық отырыста филология факультетінің деканы С. Дүйсенғазының, кафедра меңгерушісі Е. Журавлеваның, Санкт-Петербург Ұлы Петр политехникалық университеті Лингвистика және педагогика Жоғары мектебінің  директоры Н. Чичеринаның, Тула мемлекеттік педагогикалық университетінің шет тілдері ретінде орыс тілі институтының директоры Н. Красовскаяның құттықтаулары тыңдалды.

Пленарлық отырыстың негізгі бөлігі жетекші ғалымдардың баяндамалары болды. Ш. Жарқынбекова, Н. Федяева, Н. Красовская, Ю. Косицина, Е. Виданов, Е. Смолий, О. Ширяева-Ширинг, П. Повалко, В. Телякова және Е. Журавлеваның баяндамалары жан-жақты талқыланып, мазмұнды ғылыми пікірталасқа ұласты. Барлық спикерлерге университеттің алғыс хаттары табысталды.

Кәсіби қарым-қатынастың ерекше атмосферасы ресейлік  әріптестердің  жеке қатысуымен қамтамасыз етілді. Астанаға Патрис Лумумба атындағы Ресей халықтар достығы университетінің ф.ғ.к. Е. Смолий, ф.ғ.к. П. Повалко; Омбы мемлекеттік педагогикалық университетінің ф.ғ.д. Н.Федяева, ф.ғ.к. Е.Виданов, оқытушы А. Сәрсембаева; «Кемеров мемлекеттік университеті» Кузбасс гуманитарлық педагогикалық институтының ф.ғ.к. Ю.Косицина, ф.ғ.к. В. Телякова сынды лингвист- ғалымдары қатысты.

Екі күн бойы конференция жұмысы төрт тақырыптық секцияда белсенді жүргізілді. Зерттеушілер мәтін лингвистикасының өзекті мәселелерін, оқытудың инновациялық  технологиялардың көркем дискурстағы интертекстуалдығы мен интермедиалдығын талқылады. Филологияның цифрлық трансформациясына ерекше назар аударылды, онда мәтін теориясының, сот лингвистикасы мен жасанды интеллектінің қиылысында жаңа  ғылыми парадигмалар пайда болатыны туралы айтылды. Секция модераторлары Е.Журавлева, Ю. Косицина, Ж. Джамбаева, Е. Смолий Г. Аюпова, П. Повалко, Б. Галиева және Е. Виданов болды. Қатысушылар өз ізденістерінің нәтижелерімен таныстырып, пікірталасқа түсті.

Форум қорытындылумен және РИНЦ-те индекстелетін ғылыми мақалалар жинағы жарық көретіні туралы ескертіліп, аяқталды.  Конференцияға келген шетелдік қонақтар үшін мәдени бағдарлама ұйымдастырылды. Әріптестер университеттің тарихымен танысып, Л.Н. Гумилев мұражайы мен жазу мұражайында болып, Астананың сәулеттік көрікті жерлерін тамашалады.

Теориялық және қолданбалы лингвистика кафедрасы барлық қатысушыларға бірлескен жұмысы үшін шын жүректен алғыс білдіріп, халықаралық ғылыми байланыстарды одан әрі нығайтуға сенім артады.