ЕҰУ студенттері ENACTUS KAZAKHSTAN SUMMER CAMP-2026 бизнес-лагеріне қатысты

Л.Н. Гумилев атындағы Еуразия ұлттық университетінің 5 белсенді студенті және Тұрақты даму орталығының басшысы ENACTUS KAZAKHSTAN SUMMER CAMP-2026 бизнес-лагеріне қатысып, кәсіпкерлік, көшбасшылық және жобалық қызмет бағыттарында білімдері мен практикалық дағдыларын жетілдірді.

Бизнес-лагерь Шығыс Қазақстан облысындағы «Синегорье» демалыс базасында өтті. Ауқымды білім беру бағдарламасы аясында қатысушылар кәсіпкерлік бастамаларды дамыту, әлеуметтік және инновациялық жобаларды ілгерілету, командалық жұмыс, жобалық ойлау және көшбасшылық бағыттарында тәжірибе жинақтады.

Іс-шара барысында қатысушылар өз идеяларын жетілдіріп, оларды нақты жобаларға айналдыру жолдарын меңгерді. Сонымен қатар, Қазақстанның әр өңірінен келген жастармен тәжірибе алмасып, жаңа кәсіби байланыстар орнатуға және бірлескен бастамалар үшін жаңа мүмкіндіктер қалыптастыруға жол ашылды.

ЕҰУ-дың Тұрақты даму орталығының ENACTUS KAZAKHSTAN бағытындағы жұмысы студенттердің кәсіпкерлік бастамаларын тұрақты даму қағидаттарымен ұштастыруға, әлеуметтік және экологиялық маңызы бар жобаларды қолдауға бағытталған. Осы бағыттағы жұмыс аясында жастардың БҰҰ-ның Тұрақты даму мақсаттарына (ТДМ) сәйкес келетін жобаларды әзірлеуіне, әлеуметтік мәселелерді шешуге бағытталған инновациялық идеяларды жүзеге асыруына және олардың практикалық әлеуетін арттыруына ерекше мән беріледі.

ENACTUS платформасы студенттерге тек кәсіпкерлік білім алуға ғана емес, қоғамға және қоршаған ортаға оң әсер ететін жобаларды әзірлеп, оларды нақты нәтижеге бағыттауға мүмкіндік береді. Бұл бағыт ЕҰУ-дың тұрақты даму саласындағы мақсаттарымен және студенттердің әлеуметтік жауапкершілігін арттыруға бағытталған бастамаларымен өзара сабақтас.

Директорлар кеңесінің төрағасы Дархан Мыңбайдың қолдауының арқасында ЕҰУ студенттерінің ENACTUS KAZAKHSTAN SUMMER CAMP-2026 бизнес-лагеріне қатысуына мүмкіндік жасалды. Бұл қолдау университет жастарының кәсіби және тұлғалық дамуына, жаңа бастамаларға белсенді араласуына және өз жобаларын дамытуына маңызды серпін берді.

ЕҰУ-дың ENACTUS KAZAKHSTAN-мен ынтымақтастығы студенттердің кәсіпкерлік әлеуетін арттырумен қатар, әлеуметтік жауапкершілік, көшбасшылық және тұрақты даму құндылықтарын қалыптастыруға бағытталған. Мұндай жобалар жастардың өзекті әлеуметтік және экологиялық мәселелерге жаңа көзқараспен қарап, оларды инновациялық шешімдер арқылы еңсеруіне мүмкіндік береді.

ENACTUS KAZAKHSTAN SUMMER CAMP 2026 бизнес-лагері ЕҰУ өкілдері үшін жаңа білім мен тәжірибе жинақтауға, кәсіпкерлік жобаларды дамытуға, кәсіби байланыстарды кеңейтуге және тұрақты даму бағытындағы жаңа идеяларға серпін беруге мүмкіндік берген маңызды білім беру алаңына айналды.

Л.Н. Гумилев атындағы Еуразия ұлттық университеті алдағы уақытта да студенттердің бастамаларын қолдап, олардың кәсіби және тұлғалық дамуына ықпал ететін республикалық және халықаралық білім беру, кәсіпкерлік, әлеуметтік және тұрақты даму бағытындағы жобаларға қатысу мүмкіндіктерін кеңейте береді.